[vstrsnln_info]

މި ވެބްސައިޓުގައިވާ ލިޔުންތައް ނަކަލު ކުރާނަމަ މި ވެބްސައިޓަށާއި ލިޔުންތެރިއާއަށް ހަވާލާދެއްވާ!

މި ވެބްސައިޓުގައިވާ ލިޔުންތައް ނަކަލު ކުރާނަމަ މި ވެބްސައިޓަށާއި ލިޔުންތެރިއާއަށް ހަވާލާދެއްވާ!

ثلاثة الأصول 14

veynarueeއަދި ނޫޙު ޢަލައިހިއްސަލާމުން ފެށިގެން މުޙައްމަދު ޞައްލަﷲ ޢަލައިހިވަސައްލަމައާ ހަމައަށް ކޮންމެ އުންމަތަކަށްވެސް ﷲ ތަޢާލާ ރަސޫލަކު ފޮނުއްވިއެވެ. އެބޭކަލުން އެބައިމީހުންނަށް އަމުރުކުރެއްވީ ހަމައެކަނި ﷲ އަށް އަޅުކަން ކުރުމަށެވެ. އަދި ތާޣޫތަށް އަޅުކަންކުރުން ނަހީކުރެއްވިއެވެ. ދަލީލަކީ ﷲ ތަޢާލާގެ މި ބަސްފުޅެވެ. وَلَقَدْ بَعَثْنَا فِي كُلِّ أُمَّةٍ رَسُولًا أَنِ اعْبُدُوا اللَّهَ وَاجْتَنِبُوا الطَّاغُوتَ- النحل: ٣٦ މާނަ: “އަދި ހަމަކަށަވަރުން ކޮންމެ އުއްމަތަކަށް ތިމަންއިލާހު ރަސޫލުބޭކަލަކު ފޮނުއްވީމެވެ. އެއީ ތިޔަބައިމީހުން ﷲ އަށް އަޅުކަންކުރުމަށާއި އަދި ޠާޣޫތާ ދުރުހެލިވެގަތުމަށް އެންގެވުމަށެވެ.”

އިބުނުލް ޤައްޔިމް ރަޙިމަހުﷲ ވިދާޅުވިއެވެ. “ތާޣޫތުގެ މާނައަކީ އަޅުކަންކުރާ ފަރާތް ނުވަތަ ތަބާ ވެވޭ ފަރާތް ނުވަތަ ކިޔަމަންގަނެވޭ ފަރާތަކާ މެދުގައި އޮންނަންޖެހޭ ޙައްދު ފަހަނައަޅައި ދިޔުމެވެ. އަދި ޠާޣޫތުން ބައިވަރެވެ. އޭގެ ބޮޑުންނަކީ ފަހެކެވެ. އެއީ ﷲ ތަޢާލާ ލަޢުނަތް ލެއްވި އިބިލީހާއި، ތިމާއަށް އަޅުކަންވެވި އެކަމަށް ރުހިގެން ހުންނަމީހާއާއި، ތިމާގެ ނަފްސަށް އަޅުކަން ކުރުމަށް މީސްތަކުންނަށް ގޮވާމީހާއާއި، ޣައިބުގެ ޢިލްމުގެ ތެރެއިން މިންވަރެއް ދަންނަކަމުގެ ދަޢުވާ ކުރާމީހާއާއި، ﷲބާވައިލެއްވި ގޮތް ނޫން ގޮތަށް ޙުކުމްކުރާމީހާއެވެ. ދަލީލަކީ ﷲ ތަޢާލާގެ މި ބަސްފުޅެވެ. لاَ إِكْرَاهَ فِي ٱلدِّينِ قَد تَّبَيَّنَ ٱلرُّشْدُ مِنَ ٱلْغَيِّ فَمَنْ يَكْفُرْ بِٱلطَّاغُوتِ وَيْؤْمِن بِٱللَّهِ فَقَدِ ٱسْتَمْسَكَ بِٱلْعُرْوَةِ ٱلْوُثْقَىٰ لاَ ٱنفِصَامَ لَهَا وَٱللَّهُ سَمِيعٌ عَلِيمٌالبقرة: ٢٥٦ މާނަ: “ދީނަށް ވެއްދުމުގައި ގަދަހެދުމެއް ނުވެއެވެ. އެހެނީ ރަނގަޅު ޙައްޤު ތެދުމަގާއި ޙައްޤުނޫން ބާޠިލުގޮތް މިވަނީ ރަނގަޅަށް ބަޔާންވެ އެނގޭށެވެ. އަދި ޠާޣޫތަށް ކާފިރުވެ ﷲ އަށް އީމާންވެއްޖެމީހާ ދަންނައެވެ! ހަމަކަށަވަރުން އޭނާ އެހިފެހެއްޓީ އިރައިގެން ނުދާނޭ ވަރުގަދަ އުޅައްގަނޑެއްގައެވެ. (މަގުނުފުރެދޭނެ ޙައްޤު ތެދުމަގުގައެވެ.) އަދި ﷲއީ އައްސަވާވޮޑިގެންވާ ދެނެވޮޑިގެންވާ ކަލާނގެއެވެ.”

 لا إله إلا اللهގެ މާނައަކީ މިއީއެވެ. އަދި ޙަދީޘްގައި ވާރިދުވެފައި ވެއެވެ. ( رَأْسُ الأَمْرِ الإِسْلامُ، وَعَمُودُهُ الصَّلاةُ، وَذِرْوَةُ سَنَامِهِ الْجِهَادُ فِي سَبِيلِ اللهِ). މާނައީ: “ދީނުގެ ބޮލަކީ އިސްލާމެވެ. (އެބަހީ ޝަހާދަތުގެ ދެކަލިމައެވެ.) އޭގެ ތަނބަކީ ނަމާދެވެ. އަދި އޭގެ އެންމެ އުސްކުރިބޯއްޓަކީ ﷲގެ މަގުގައި ޖިހާދު ކުރުމެވެ.

وَاللهُ أَعْلَمُ. وَصَلَّى اللهُ عَلَى مُحَمَّدٍ وَعلى اله وَصَحْبِهِ وَسَلَّمَ.

(ނިމުނީ)