الحمد لله والصلاة والسلام على رسول الله وعلى آله وصحبه أجمعين.
﴿ أَفَمَن شَرَحَ اللَّـهُ صَدْرَهُ لِلْإِسْلَامِ فَهُوَ عَلَىٰ نُورٍ مِّن رَّبِّهِ ۚ …﴾ [سورة الزمر ٢٢]
މާނައީ: ” ފަހެ، އިސްލާމްދީނަށް އެމީހެއްގެ ހިތް ތަނަވަސްކޮށްދެއްވާ އޭނާގެ ވެރިރައްބުގެ ޙަޟްރަތުން ނޫރެއް ލިބިފައިވާމީހަކު (އެނޫންމީހަކާ އެއްފަދަ ހެއްޔެވެ.)”
އެބަހީ: އެފަދަ މީހަކާ ޙައްޤު މަގުން ދުރުވެ، ހިތް ހަރުވެފައިވާ މީހާ އެއްފަދަ ހެއްޔެވެ؟ އެއީ ﷲ عز وجلގެ އަންނަނިވި ބަސްފުޅުގައިވާ ފަދައިންނެވެ.
﴿ أَوَمَن كَانَ مَيْتًا فَأَحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ كَمَن مَّثَلُهُ فِي الظُّلُمَاتِ لَيْسَ بِخَارِجٍ مِّنْهَاۚ …﴾ [سورة الأنعام١٢٢]
މާނައީ: “(ކާފިރުކަމުން) މަރުވެފައިވަނިކޮށް (ތެދުމަގު ދެއްކެވުމުން) ތިމަންއިލާހު އެމީހަކު ދިރުއްވާ، މީސްތަކުންގެ ތެރޭގައި އެނޫރެއްގެ އަލީގައި ހިނގާނޭ ނޫރެއްލެއްވި މީހަކާއި، އަނދިރީގެ ތެރޭގައި ނުނިކުމެހުންނަ މީހަކާ އެއްފަދަވާނޭ ހެއްޔެވެ؟”
އެހެންކަމުން ﷲ ތަޢާލާ ވަޙީކުރައްވާފައިވެއެވެ.
﴿ …فَوَيْلٌ لِّلْقَاسِيَةِ قُلُوبُهُم مِّن ذِكْرِ اللَّـهِ ۚ …﴾ [سورة الزمر ٢٢]
މާނައީ: “ފަހެ، ﷲ ހަނދާންކުރުން ފިޔަވާ އެއުރެންގެ ހިތްތައް ހަރުކަށިވެފައިވާ މީހުންނަށް ހަލާކުހުށްޓެވެ.”
އެބަހީ: ﷲ ތަޢާލާ ޛިކުރު ކުރެވުމުން އެބައިމީހުންގެ ހިތްތައް މަޑެއް ނުވެއެވެ. އަދި މަޑުމޮޅިކަމާއެކު، ބިރުވެތި ނުވެއެވެ. އަދި އެބައިމީހުންނަށް ފަހުމެއްވެސް ނުވެއެވެ.
﴿ … أُولَـٰئِكَ فِي ضَلَالٍ مُّبِينٍ﴾ [سورة الزمر ٢٢]
މާނައީ: “އެއުރެންވަނީ ފާޅުވެގެންވާ މަގުފުރެދުމެއްގައެވެ.”
________________________________________________________
مختصر تفسير ابن كثير
