އެކަލޭގެފާނުގެ ފިޤުހުވެރިކަން –رحمهم الله–
يحيى بن سعيد القطاني ވިދާޅުވިއެވެ.
“ތިމަންކަލޭގެފާނީ ﷲގެ މައްޗަށް ދޮގުހަދާ މީހެއް ނޫނެވެ. އަބޫ ޙަނީފާގެ ރައުޔަށްވުރެ ފުރިހަމަ ރައުޔެއް ތިމަންބޭކަލުން އަޑެއް ނާހަމެވެ.”[1]
علي بن عاصم ވިދާޅުވިއެވެ.
“އަބޫ ޙަނީފާގެ ޢިލްމާއި އެކަލޭގެފާނުގެ ޒަމާނުގެ ބޭފުޅުންގެ ޢިލްމު ވަޒަންކޮށްލައިފިނަމަ، ފަހެ އެކަލޭގެފާނުގެ ޢިލްމު އެހުރިހާ ބޭފުޅުންގެ ޢިލްމަށްވުރެ ބުރަދަން ހުރެއެވެ.”[2]
حفص بن غياث ވިދާޅުވިއެވެ.
“އަބޫ ޙަނީފާ ފިޤުހުވެރިކަމުގައި ވިދާޅުވެފައިވާ ބަސްފުޅުތައް ޅެމަށްވުރެ ފަށުވިވެގެންވެއެވެ. ޖާހިލަކުމެނުވީ އެކަލޭގެފާނުގެ ބަސްފުޅުތަކަށް އަޢިބުކިޔާ ނަހަދާނެތެވެ.”[3]
الأعمشގެ އަރިހުން ރިވާވެގެންވެއެވެ. އެކަލޭގެފާނުގެ އަރިހުގައި މަސްއަލައަކާ ބެހޭގޮތުން ސުވާލު ދެންނެވުމުން އެކަލޭގެފާނު ވިދާޅުވިއެވެ.
“ތިކަމުގައި އެންމެ ރަނގަޅު ރައުޔަކީ ފޮތި ވިއްކާ النعمان بن ثابت ގެ ރައުޔެވެ. ތިމަންކަލޭގެފާނަށް ހީފުޅުވާ ގޮތުގައި އެކަލޭގެފާނުގެ ޢަމަލުގައި ވަނީ ބަރަކާތް ލެއްވިގެންނެވެ.”[4]
جريرވިދާޅުވިއެވެ. ތިމަންކަލޭގެފާނުގެ އަރިހުގައި المغيرةދެންނެވިއެވެ.
“އަބޫ ޙަނީފާގެ އަރިހުގައި ޢިލްމު ޙާޞިލްކުރެއްވުމަށްޓަކައި އިށީންދެވަޑައި ގަންނަވާށެވެ. ކަލޭގެފާނު ފިޤުހުވެރިވާ ހުށްޓެވެ. ފަހެ إبراهيم النخعيދުނިޔޭގައި ދިރިހުންނެވިނަމަ އެކަލޭގެފާނުވެސް އަބޫ ޙަނީފާގެ އަރިހުގައި ޢިލްމު އުނގެނެވުމަށްޓަކައި އިށީނދެ ވަޑައިގަތީސްކަން ކަށަވަރެވެ.”[5]
ابن مبارك ވިދާޅުވިއެވެ.
“މީސްތަކުންގެ ތެރެއިން އެންމެ ފިޤުހުވެރީ އަބޫ ޙަނީފާއެވެ.”[6]
شافعيގެވާނު ވިދާޅުވިއެވެ.
“މީސްތަކުންވަނީ ފިޤުހުގައި އަބޫ ޙަނީފާއަށް ބޭނުންޖެހިފައެވެ.”[7]
________________________________________________
[1] سير أعلام النبلاء (6/402)
[2] سير أعلام النبلاء (6/403)
[3] سير أعلام النبلاء (6/403)
[4] سير أعلام النبلاء (6/403)
[5] سير أعلام النبلاء (6/403)
[6] سير أعلام النبلاء (6/403)
[7] العبر (1/164)
-ނުނިމޭ-
