އަހަރެން ކުރާ ހުރިހާ ޢަމަލެއްގައިވެސް އިޚްލާޞްތެރިވާނީ ކިހިނެތް 3
ޢަމަލުތައް ޤަބޫލުނުވެދާނެތީ އެކަމަށް ބިރުވެތިވުން ކޮންމެ ހެޔޮ ޢަމަލެއް ކުރާއިރުވެސް އެއީ މާމޮޅު ޢަމަލެއްކަމުގައި ނުދެކޭށެވެ. އަދި އެކަމެއް ޤަބޫލުނުވެދާނެތީ އެކަމަށް ބިރުވެތިވާށެވެ. ސަލަފުންގެ ބޭކަލުން ދުޢާކުރައްވައެވެ. “اللهُمَّ إنَّا نَسْأَلُكَ العَمَلَ الصَّالِحَ وَحِفْظِهِ” މާނައީ: އޭ ﷲ! އަޅަމެންނަށް ޞާލިޙު ޢަމަލު މިންވަރުކޮށްދެއްވައި އެޢަމަލުތައް ރައްކާތެރިކޮށްދެއްވުމަށް އިބައިލާހުގެ ޙަޟްރަތުގައި ދަންނަވަމެވެ.” އެޢަމަލުތަކާމެދު ބޮޑާ ނުވުމާއި އެއާމެދު ފަޚުރުވެރި ނުވުމީ އެޢަމަލުތައް ރައްކާތެރިވުމުގެ ތެރެއިންވާކަންކަމެވެ. އަދި ކިއެއް ހެއްޔެވެ. އަބަދުވެސް އެޢަމަލުތައް ޤަބޫލުނުވެދާނެތީ އެކަމާމެދު ބިރުވެތިވާންޖެހޭނެއެވެ. […]