ޣީބަބުނުމުގެ ޙަޤީޤަތާއި އޭގެ ނުރައްކާތެރިކަން! – 3
ޣީބަ ބުނުމުގައި ތިމާގެ އަގުހުރި ވަގުތުތައް ނަގާލާ މީހަކީ، އީމާން ކަމުގެ މީޒާނުގައި ބުރަދަނެއް ނެތް، ބަލިކަށި، މޮޔަޔަކަށް ނުނީ ނުވާނެއެވެ. އަދީ އޭނާ އެކުރަނީ ގެއްލުމާއި، ހަލާކު ހުރި ވިޔަފާރި އެކެވެ.
ސަބާގެ ރަނިކަމަނާ އާއި ސުލައިމާންގެފާނު
ސުލައިމާނުގެފާނަކީ ދުނިޔޭގައި އެންމެ ބޮޑު ރަސްކަމެއް ﷲ ތަޢާލާދެއްވި އެއިލާޙްގެ ނަބިއްޔެކެވެ. ޢިލުމާއި ވެރިކަމާއި ނަބީކަން ދެއްވަވާ ޖިންނިންނާއި ވަޔާއި ދޫނިސޫފާސޫފި އެކަލޭގެފާނުގެ ކިޔަމަނުގެދަށުގައި ލެއްވެވިއެވެ. ދޫނިސޫފާ ސޫފީގެ ބަސްމޮށުންތެރިކަން ސުލައިމާންގެފާނަށް ﷲ ތަޢާލާ އުނގައްނައިދެއްވިއެވެ. އެކަލޭގެފާނަކީ އެކަލޭގެފާނަށް ﷲތަޢާލާ ދެއްވައިފައިވާ ނިޢުމަތްތަކަށް ގިނަގިނައިން ޝުކުރުވެރިވި އުޅުއްވެވި ބޭކަލެކެވެ. އެއްދުވަހެއްގައި އެކަލޭގެފާނު އެކަލޭގެފާނުގެ ލަޝްކަރުގައި ހިމެނޭ ޖިންނިންނާއި އިންސިންގެ އިތުރުން ދޫނިސޫފާސޫފި އެއްކުރެއްވި ހިނދު ހުދުހުދު ކިޔާ ދޫނި އެތަނަށް ހާޒިރުވެފައި ނުވާތީ އެކަލޭގެފާނު އެކަމާ ސުވާލުކުރެއްވިއެވެ. […]