ސުވާލު: … އިސްލާމްދީނަށް އެއްޗެތި ކިޔުމުގެ ޙުކުމަކީ ކޮބާ ހެއްޔެވެ؟
ޖަވާބު: އިސްލާމްދީނަށް އެއްޗެތި ކިޔުމަކީ ކުފުރެކެވެ. އެހެނީ އިސްލާމްދީނަށް ކިޔޭ ކޮންމެ އެއްޗަކީ ﷲ سبحانه وتعالى އަށާއި އެއިލާހުގެ ރަސޫލާ صلى الله عليه وسلم އަށް ކިޔޭ އެއްޗެކެވެ. އިސްލާމްދީނަކީ އެ ދީނަކާއިގެން ﷲ ގެ ރަސޫލާ ފޮނުއްވުނު ދީނެވެ. އަދި ދީނެއްކަމުގައި އެއިލާހުގެ އަޅުތަކުންނަށް އެއިލާހު ރުހިވޮޑިގެންވާ ދީނަކީ އެއީއެވެ. ފަހެ އެދީނަށް މީހަކު އެއްޗެތި ކިޔައިފިނަމަ ފަހެ އޭނާއަށް އެއްޗެތި އެކިޔެނީ ﷲ އަށާއި އެއިލާހުގެ ޙިކްމަތްވަންތަކާއި އެއިލާހު އިޚްތިޔާރުކުރައްވާ ގޮތަށެވެ. އަދި ހަމަ އެފަދައިން ރަސޫލާ صلى الله عليه وسلم އާ އެއްޗެތި ކިޔުންވެސް އެއީ ކުފުރެކެވެ. އެހެނީ މިރިސާލަތާއި މިދީން [މީސްތަކުންނާ] ހަމައަށް ގެނެސްދެއްވީ އެކަލޭގެފާނެވެ.
– އެފަދަ ކަންތައްތަކުން ﷲ ތަޢާލާ އަޅުގަނޑުމެން ރައްކާތެރިކުރައްވާނދޭވެ –
الشيخ محمد بن صالح العثيمين رحمه الله
________________________________________________
