އަލްއިޖްމާޢުގެ އިޞްޠިލާޙީ މާނަ
- ޝަރުޢީ ލިޔުންތަކުގައި الإِجْمَاع މި ލަފްޡު ޢާންމު ގޮތެއްގައި ބޭނުންކޮށްފައިވަނީ ފިޤުހު ޢިލްމުވެރިންގެ އިޞްޠިލާޙުގައި އިޖްމާޢު ބޭނުންކުރާ މާނައިގައެވެ.
މިގޮތުން:
- އުޞޫލުލް ފިޤްހުގެ ޢިލްމުވެރިންގެ އަރިހުގައި އިޖްމާޢަކީ: މާތް ނަބިއްޔާ صلى الله عليه وسلم މި ދުނިޔައަށް އަލްވަދާޢު ކިޔުއްވުމަށް ފަހު، މިއުންމަތުގެ ކޮންމެވެސް ޒަމާނެއްގެ އެންމެހާ މުޖުތަހިދު ޢިލްމުވެރިން، ދީނީކަމެއްގެ މައްޗަށް އެއްބަސްވެވަޑައިގަތުމެވެ. [1]
- އުޞޫލުއް ތަފްސީރުގެ ޢިލްމުވެރިންގެ އަރިހުގައި މުފައްސިރުންގެ އިޖްމާޢަކީ: ތަފްސީރު ޢިލްމުގެ އިތުބާރުހުރި ދަންނަބޭކަލުން ވަކި އާޔަތެއްގެ މާނައާމެދު ނުވަތަ ކީރިތި ޤުރުއާނާ ގުޅުންހުރި ކަމަކާ މެދުގައި އެއްބަސްވެވަޑައިގަތުމެވެ. އަދި އެއިން އެއްވެސް ޢިލްމުވެރިއެއްގެ މެދުގައި އެއާޔަތާމެދު ޚިލާފެއް އުފެދިފައި ނެތުމެވެ. [2]
[1] شرح مختصر الروضة للطوفي (3 / 5) .
[2] ضوابط القطعي من تفسير القرآن الكريم لمحمد محمد ياسين (2 / 86) وفصول في أصول التفسير لد. مساعد الطيار (ص: 98).
އާޔަތެއް ތަފްސީރުކުރުމުގައި ޢިލްމުވެރިން އިޖްމާޢުވުން ނުވަތަ ޚިލާފުވުން – އެހެންބައިތައް
