1 – ދީނު ސާބިތުކޮށްދެއްވުމަށް އެދި ﷲ ތަޢާލާގެ ހަޟްރަތުގައި ގިނަގިނައިން ދުޢާކުރުން.
2 – އަޅުކަމުގައި ފަރުވާކުޑަ ނުކުރުން އަދި ޚާއްސަކޮށް ފަރުޟު ފަސްނަމާދު ޖަމާޢަތުގައި ކުރުމުގައި ދެމިހުރުން.
3 – ސުންނަތަށް ޢަމަލުކުރަން މަސައްކަތް ކުރުން.
4 – ފިތުނަތަކާއި ފާޙިޝް ޢަމަލުތަކުން ރައްކާތެރިކޮށް ދެއްވުން އެދި ﷲ އަށް ދެއްނެވުން.
5 – އެކުގައި އުޅޭ އެކުވެރިންގެ ގޮތުގައި ރަނގަޅު ޞާލިޙުން އިޚްތިޔާރުކުރުން.
6 – ގިނަގިނައިން ﷲ ތަޢާލާގެ ޒިކުރު ކުރުން.
7 – ﷲ ތަޢާލާ ހުރިހާވަގުތެއްގައިވެސް ތިބާގެ ޢަމަލުތައް ބައްލަވާ އައްސަވާ ވޮޑިގެންވާކަން ހަނދާނުގައި ބެހެއްޓުން.
8 – ސީދާވެގެންވާ ތެދުމަގަށް ހިދާޔަތް ދެއްކެވުން އެދި ގިނަގިނައިން ދުޢާކުރުން.
9 – ހެޔޮޢަމަލު ތަކުގެ މަތީގައި ދެމިހުރުމުގެ މައްޗަށް ކެއްތެރިވުން.
10 – ފާފަތައް ދުކޮށްލުމުގެ މައްޗަށް ކެއްތެރިވުން.
ރަސޫލުﷲ ޞައްލަﷲ ޢަލައިހި ވަސައްލަމަ ގިނަގިނައިން މި ދުޢާ ކުރައްވަކަމުގައި ވެއެވެ. (( يا مقلب القلوب ثبت قلبي على دينك )) މާނަ – (( އޭ ހިތްތައް ބަދަލު ކުރައްވާ އިލާހު! މި އަޅާގެ ހިތް އިބް އިލާހުގެ ދީނުގެ މަތީގައި ޘާބިތު ކޮށްދެއްވާފާނދެއެވެ.! ))
