536 ވަނަ ޙަދީޘް:
536- وَعَنْ عَائِشَةَ رَضِيَ اَللَّهُ عَنْهَا قَالَتْ: (( كَانَ رَسُولُ اَللَّهِ صَلَى اللَّهُ عَلَيْه وَسَلَّمَ يُقَبِّلُ وَهُوَ صَائِمٌ, وَيُبَاشِرُ وَهُوَ صَائِمٌ, وَلَكِنَّهُ أَمْلَكُكُمْ لِإِرْبِهِ )) مُتَّفَقٌ عَلَيْهِ, وَاللَّفْظُ لِمُسْلِمٍ .
وَزَادَ فِي رِوَايَةٍ: (( فِي رَمَضَانَ )) .
عَائِشَةَ رَضِيَ اَللَّهُ عَنْهَا ގެ ކިބައިން ރިވާވެގެންވެއެވެ. އެކަމަނާ ވިދާޅުވިއެވެ. { ރޯދަ އަށް ހުންނަވައިގެން ކީރިތި ރަސޫލާ صَلَى اللَّهُ عَلَيْه وَسَلَّمَ ބޮސްދެއްވާ ހައްދަވައެވެ. އަދި މުބާޝަރާކޮށް ހައްދަވައެވެ. އެކަލޭގެފާނަކީ ތިޔަބައިމީހުން ކުރެ ޙާޖަތް ހިފެހެއްޓުމުގައި އެންމެ ކުޅަދާނަ ބޭކަލެވެ.
مُتَّفَقٌ عَلَيْهِ މިއީ الإِمَامُ مُسْلِمٍ ގެ ލަފުޒުންނެވެ. (އެބަހީ: މިއީ الإِمَامُ البُخَارِي އަދި الِإمَامُ مُسْلِم ސައްޙަކަމަށް އިއްތިފާޤުވެ ވަޑައިގަންފައިވާ ހަދީޘެކެވެ. އެދޭބޭފުޅުންގެ ދެ ރިވާޔަތުގެ ތެރެއިން މިތާ ގެނެވިފައި މިވަނީ الِإمَامُ مُسْلِم ރިވާކުރެއްވި ލަފުޒުންނެވެ. )
އަދި އެކަލޭގެފާނު (الِإمَامُ مُسْلِم) އެހެން ރިވާޔަތެއްގައި އިތުރަށްގެންނަވާފައި ވެއެވެ. { ރަމަޟާންމަހުގައި} (އެބަހީ ރަމަޟާން މަހު އެކަލޭގެފާނު ރޯދަޔަށް ހުންނަވާ އިސްވެދިޔަ ފަދައިން ބައެއްފަހަރު ޢަމަލުކުރައްވާފައި ވާވާހަކައެވެ.)
537 ވަނަ ޙަދީޘް:
537- وَعَنِ اِبْنِ عَبَّاسٍ رَضِيَ اَللَّهُ عَنْهُمَا; (( أَنَّ اَلنَّبِيَّ صَلَى اللَّهُ عَلَيْه وَسَلَّمَ اِحْتَجَمَ وَهُوَ مُحْرِمٌ, وَاحْتَجَمَ وَهُوَ صَائِمٌ )) رَوَاهُ اَلْبُخَارِيُّ .
اِبْنِ عَبَّاسٍ رَضِيَ اَللَّهُ عَنْهُمَا ގެ ކިބައިން ރިވާވެގެންވެއެވެ. { ނަބިއްޔާ صَلَى اللَّهُ عَلَيْه وَسَلَّمَ އިހްރާމްގައި ހުންނަވާ ކަވާޖެއްސެވިއެވެ. އަދި ރޯދައަށް ހުންނަވާ ކަވާޖެއްސެވިއެވެ.}
ރިވާކުރެއްވީ الِإمَامُ اَلْبُخَارِي އެވެ.
-ނުނިމޭ-
