ސުވާލު 9: ﴿وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا﴾ [سورة الإسراء ٢٣]
މާނައީ: “ހަމައެކަނި އެއިލާހަށް މެނުވީ، ތިޔަބައިމީހުން އަޅުކަން ނުކުޅައުމަށާއި، މައިންބަފައިންނަށް ހެޔޮކޮށް ހިތުމަށް، ކަލޭގެފާނުގެ ވެރިރައްބު ކަނޑައަޅުއްވައި އެންގެވިއެވެ.”
މި އާޔަތް ޝަރަޙަ ކޮށްދޭށެވެ؟
– އަދި މައިންބަފައިންނަށް އިޙްސާންތެރިވުމަކީ ކޮބައިކަން ބަޔާން ކޮށްދޭށެވެ؟
– އަދި ﷲ ސުބުޙާނަހޫ ވަތަޢާލާ، އެކަލާނގެއަށް އަޅުކަންކުރުމާއި ވިދިގެން މައިންބަފައިންނަށް ހެޔޮކޮށް ހިތުމަށް އަންގަވާފައިވަނީ ކީއްވެކަން ބަޔާންކޮށްދޭށެވެ؟
ޖަވާބު:
– މިއާޔަތުގައި ﷲ ޚަބަރުދެއްވާ އަމުރުކުރައްވާ ވަޞިއްޔަތް ކުރައްވަނީ ހަމައެކަނި އެކަލާނގެއަށް އަޅުކަންކުރުމަށެވެ. އަދި މައިންބަފައިންނަށް ހެޔޮކޮށް ހިތުމަށްވެސް އަމުރުކުރައްވާ، ވަސިއްޔަތްކުރެއްވިއެވެ.
-މައިން ބަފައިންނަށް އިޙްސާންތެރިވުން: މައިން ބަފައިންނަށް އިޙްސާންތެރިވުމަކީ އެދެމީހުންނަށް ހެޔޮކޮށް ކަންތައްތައް ކުރުމާއި އެދެމީހުންނަށް އަމުރަށް ކިޔަމަންތެރިވުމާއި އެދެމީހުންނަށް ތަވާޟުވެރިވުމެވެ. (ހިތްތިރިކުރުމެވެ.)
– ﷲ ސުބުޙާނަހޫ ވަތަޢާލާ އެކަލާނގެއަށް އަޅުކަންކުރުމާއި ވިދިގެން މައިންބަފައިންނަށް އިޙްސާންތެރިވުމުގެ ވާހަކަ ގެންނަވާފައިއެވަނީ އެދެމީހުން މާތްކަމާއި، އެދެމީހުންގެ ޙައްޤުގެ ބޮޑުކަމާއި، އަދި ﷲ ގެ ޙައްޤަށްފަހު ދެން (އިންސާނާ އަދާކުރަންޖެހޭ) އެންމެ ބޮޑު ޙައްޤަކީ މައިންބަފައިންގެ ޙައްޤުކަން ބަޔާންކުރެއްވުމަށްޓައެވެ.
ސުވާލު 10: ﴿وَاعْبُدُوا اللَّهَ وَلَا تُشْرِكُوا بِهِ شَيْئًا وَبِالْوَالِدَيْنِ إِحْسَانًا﴾ [النساء: 36]
މާނައީ: “ތިޔަބައިމީހުން، ﷲ އަށް އަޅުކަންކުރާށެވެ! އަދި، އެކަލާނގެއަށް އެއްވެސް އެއްޗެއް ޝަރީކުނުކުރާހުށިކަމެވެ! އަދި، މައިންބަފައިންނަށް ހެޔޮކޮށް ހިތާށެވެ!”
މި އާޔަތް ޝަރަޙަ ކޮށްދޭށެވެ؟
ޖަވާބު: މިއީ ﷲ ގެ ޙަޟްރަތުން އެކަލާނގެ އަޅުތަކުންނަށް އައިސްފައިވާ އަމުރެކެވެ. އެއީ ހަމައެކަނި އެކަލާނގެއަށް އަޅުކަންކުރުމަށެވެ. އަދި އެކަލާނގެއަށް ކުރާ އަޅުކަމުގައި އެހެން އެއްވެސް ފަރާތެއް ބައިވެރި ނުކުރުމަށެވެ.
* * * *
އަލްޖާމިޢުލް ފަރީދް (ޝައިޚް ޢަބްދު ﷲ ބުން ޖާރު ﷲ ބުން އިބްރާހީމް އަލް ޖާރު ﷲ)
މިފޮތަކީ ސުވާލާއި ޖަވާބުގެ އުސްލޫބަށް ކިތާބުއްތައުޙީދު ކިޔަވާ ދިނުމަށް ތައްޔާރުކުރެވިފައިވާ ފޮތެކެވެ.
