ސުވާލު 8:
މި ބާބުގައި ބަޔާންކުރެވިފައިވާ އާޔަތްތަކާއި ޙަދީޘްތަކުން ލިބޭ ފައިދާތައް ބަޔާންކޮށްދޭށެވެ؟
ޖަވާބު:
1- ޝިރުކަށް (އަރައިގަނެވިދާނެތީ، ޝިރުކުގެ އަހުލުވެރިއެއް ކަމުގައިވާ ޙާލު މަރުވެދާނެތީ އެކަމަށް) ބިރުވެތިވުން.
2- ދެއްކުންތެރިކަން ހިމެނިގެންވަނީ ކުޑަ ޝިރުކުގެ ތެރެއިންނެވެ.
3- ދެއްކުންތެރިކަމަކީ (އެހެން ފާފަތަކާއި އަޅާބަލާއިރު) ޞާލިޙުންގެ މައްޗަށް އެންމެ ނުރައްކާތެރި ފާފައެވެ.
4- ސުވަރުގެއާއި ނަރަކަ، އިންސާނާއާ ކައިރިވެގެންވާކަން. (އެބަހީ: ކުރެވޭ އެންމެ ޢަމަލަކުންވެސް ނަރަކަ އެމީހަކަށް ޙައްޤު ވެދާނެއެވެ. އަދި ހަމައެފަދައިން ސުވަރުގެވެސް މެއެވެ.)
5- ޝިރުކުން ސަލާމަތްވެގެންވާ މީހާގެ މަތިވެރިކަން.
6- ރަސޫލާ صلى الله عليه وسلم އެކަލޭގެފާނުގެ އުއްމަތަށް އޮންނަ އޯގާތެރިކަން އެނގިގެން ދިޔުން. ހެޔޮކަމެއްނަމަ އެކަމަކަށް އެކަލޭގެފާނު މަގުދެއްކެވިއެވެ. އަދި ނުރަނގަޅު ކަމެއްނަމަ އެކަމަކަށް އެކަލޭގެފާނު އިންޒާރު ކުރެއްވިއެވެ.
7- ﷲ ނޫން އެހެން ފަރާތެއް ކުރުމަށް ކުޅަދާނަވެގެން ނުވާ ކަމެއްގައި، ﷲ ނޫން އެހެން ފަރާތެއް ކިބައިން އެދުމަކީ ބޮޑު ޝިރުކެވެ.
8- މަރުވުމުގެ ކުރިން ކުރެވިފައިވާ ފާފަތަކަށް ތައުބާވެއްޖެ މީހެއްގެ ތައުބާ ﷲ ޤަބޫލުކުރައްވާނެއެވެ.
* * * *
– އަލްޖާމިޢުލް ފަރީދް (ޝައިޚް ޢަބްދު ﷲ ބުން ޖާރު ﷲ ބުން އިބްރާހީމް އަލް ޖާރު ﷲ) –
މިފޮތަކީ ސުވާލާއި ޖަވާބުގެ އުސްލޫބަށް ކިތާބުއްތައުޙީދު ކިޔަވާ ދިނުމަށް ތައްޔާރުކުރެވިފައިވާ ފޮތެކެވެ.
