- ތަޤްވާއަކީ ޢިލްމާ އަދި ކީރިތި ޤުރުއާނުން ވަޢުޡާއި ނަޞޭޙަތް ލިބިގަނެވޭ ސަބަބެއް
(هَـٰذَا بَيَانٌ لِّلنَّاسِ وَهُدًى وَمَوْعِظَةٌ لِّلْمُتَّقِينَ)[1]
މާނަ: “މިއީ މީސްތަކުންނަށް އޮތް ސާފުސީދާ ބަޔާނެކެވެ. އަދި މަގު ދެއްކެވުމެކެވެ. އަދި ތަޤްވާވެރިނަށްއޮތް ވަޢުޠެކެވެ.”
- ތަޤްވާއާއެކު ކެތްތެރިވުން ހިމެނެނީ ޢަޒުމު ކަނޑައަޅަންޖެހޭ ކަންތަކުގެ ތެރެއިން. އެހެންކަމުން އެނގިގެންދަނީ ތަޤްވާގެ ސަބަބުން މީހާގެ ޢަޒުމު ވަރުގަދަވެގެންދާ ކަމެވެ.
(وَإِن تَصْبِرُوا وَتَتَّقُوا فَإِنَّ ذَٰلِكَ مِنْ عَزْمِ الْأُمُورِ)[2]
މާނަ: “ތިޔަބައިމީހުން ކެތްތެރިވެ، ތަޤްވާވެރިވާނަމަ (ދަންނާށެވެ!) ފަހެ، ހަމަކަށަވަރުން އެކަންކަންވަނީ ޢަޒުމު ކަނޑައަޅަންޖެހޭ ކަންތައްތަކުގެ ތެރެއިންނެވެ.”
- ތަޤްވާވެރިންނަށް ހުރީ އެތަނުގެ ދަށުން ފެންއާރުތައް ހިނގަހިނގާ ހުރި ސުވަރުގެތައް
(لَـٰكِنِ الَّذِينَ اتَّقَوْا رَبَّهُمْ لَهُمْ جَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا)[3]
މާނަ: “އެހެނެއްކަމަކު އެއުރެންގެ ވެރިރައްބަށް ތަޤްވާވެރިވިމީހުންނަށް، އެތަންތަނުގެ ދަށުން ކޯރުތައް ހިނގަހިނގާ ހުންނަ ސުވަރުގެތައް ހުށްޓެވެ. އެތަންތަނުގައި، އެއުރެން ދެމިތިބޭ ޙާލުގައެވެ.”
- ތަޤްވާވެރިވުމަކީ ފަލާހު ލިބެނިވި ސަބަބެއް
(وَاتَّقُوا اللَّـهَ لَعَلَّكُمْ تُفْلِحُونَ)[4]
މާނަ: “އަދި ތިޔަބައިމީހުން ﷲ އަށް ތަޤުވާވެރިވާށެވެ! އެއީ ތިޔަބައިމީހުން ދިންނަވައި ނަސީބު ލިބުމަށްޓަކައެވެ.”
- ތަޤްވާވެރިންނަށް މި ދުނިޔޭގެ ހަޔާތަށްވުރެ އާޚިރަށް ހެޔޮވެގެންދޭ
(وَالْآخِرَةُ خَيْرٌ لِّمَنِ اتَّقَىٰ)[5]
މާނަ: “އަދި ތަޤްވާވެރިވި މީހަކަށް އާޚިރަތުގެ ހެޔޮކަން ބޮޑެވެ.”
- ތަޤްވާވެރިވުމަކީ އެމީހެއްގެ ފާފަތައްފުއްސެވި ރަޙުމަތް ލިބިގަނެވޭ ސަބަބެއް
(وَإِن تُصْلِحُوا وَتَتَّقُوا فَإِنَّ اللَّـهَ كَانَ غَفُورًا رَّحِيمًا)[6]
މާނަ: “އަދި ތިޔަބައިމީހުން (އެކަން) އިޞްލާޙުކޮށް ތަޤްވާވެރިވާނަމަ (ދަންނާށެވެ!) ފަހެ، ހަމަކަށަވަރުން ގިނަގިނައިން ފާފަފުއްސަވާ ރަޙީމުވަންތަ އިލާހަކު ކަމުގައި ﷲ ވޮޑިގެންވެއެވެ.”
- ތަޤްވާއަކީ ﷲ ތަޢާލާގެ ޙަޟްރަތުގައި ޢަމަލު ޤަބޫލުވަނިވި ސަބަބެއް
(قَالَ إِنَّمَا يَتَقَبَّلُ اللَّـهُ مِنَ الْمُتَّقِينَ)[7]
މާނަ: “އަނެއް ދަރިކަލުން ވިދާޅުވިއެވެ. ﷲ ޤަބޫލު ކުރައްވާކަން ކަށަވަރީ ތަޤްވާވެރިންގެ ކިބައިންނެވެ.”
- ތަޤްވާއަކީ ކާމިޔާބު ލިބެނިވި ސަބަބެއް
(اتَّقُوا اللَّـهَ وَابْتَغُوا إِلَيْهِ الْوَسِيلَةَ وَجَاهِدُوا فِي سَبِيلِهِ لَعَلَّكُمْ تُفْلِحُونَ)[8]
މާނަ: “އޭ އީމާންވެއްޖެ މީސްތަކުންނޭވެ! ތިޔަބައިމީހުން ﷲ އަށް ތަޤްވާވެރިވާށެވެ! އަދި އެއިލާހުގެ ޙަޟްރަތަށް ކުއްތަންވުމުގެ މަގު ތިޔަބައިމީހުން އެދޭށެވެ! އަދި އެއިލާހުގެ މަގުގައި ތިޔަބައިމީހުން ޖިހާދަކުރާށެވެ. (އެއީ) ތިޔަބައިމީހުން ދިންނަވައި ނަސީބު ލިބުމަށްޓަކައެވެ.”
- ތަޤްވާގެ ސިފަ ލިބިގެންވާ މީހުންނަކީ، ﷲ ތަޢާލާ ބަވައިލެއްވި ފޮތްތަކުން ވަޢުޡާއި، ނަޞޭހަތް ލިބިގަނެ ހިދާޔަތް ލިބިފައިވާ ބަޔެއް
(وَآتَيْنَاهُ الْإِنجِيلَ فِيهِ هُدًى وَنُورٌ وَمُصَدِّقًا لِّمَا بَيْنَ يَدَيْهِ مِنَ التَّوْرَاةِ وَهُدًى وَمَوْعِظَةً لِّلْمُتَّقِينَ)[9]
މާނަ: “އަދި ތިމަންއިލާހު އެކަލޭގެފާނަށް އިންޖީލު ދެއްވީމެވެ. އޭގައި ތެދުމަގާއި ނޫރު ވެއެވެ. އެއީ އޭގެކުރިން ބާވައިލައްވާފައިވާ ތައުރާތުގައިވާ ކަންތައް ތެދުކުރަނިވި ގޮތުގައެވެ. އަދި ތަޤްވާވެރިންނަށް ތެދުމަގާއި، ވަޢުޠެއެއް ކަމުގައެވެ.”
- ތަޤްވާއަކީ ފާފަތައް ފޮހެވިގެން ދިއުމާއެކު ސުވަރުގެއަށް ވަދެވޭ ސަބަބެއް
(وَلَوْ أَنَّ أَهْلَ الْكِتَابِ آمَنُوا وَاتَّقَوْا لَكَفَّرْنَا عَنْهُمْ سَيِّئَاتِهِمْ وَلَأَدْخَلْنَاهُمْ جَنَّاتِ النَّعِيمِ)[10]
މާނަ: “ހަމަކަށަވަރުން ފޮތުގެ އަހުލުވެރިން އީމާންވެ، ތަޤްވާވެރި ވީނަމަ، އެއުރެންގެ ކުށްތައް ތިމަންއިލާހު އެއުރެންގެ ކިބައިން ފުއްސެވީމުހެވެ. އަދި ނިޢުމަތުގެ ސުވަރުގެތަކަށް ތިމަންއިލާހު އެއުރެން ވެއްދެވީމުހެވެ.”
= ނުނިމޭ =
_____________________
މިއީ ޝައިޚް ޢުޘައިމީން ލިޔުއްވާފައި فوائد التقوى من القرآن الكريم ގެ ތަރުޖަމާއެވެ.
[1] آل عمران 138
[2] آل عمران 186
[3] آل عمران 198
[4] سورة البقرة 212
[5] النساء 77
[6] النساء 129
[7] 27 المائدة
[8] 35 المائدة
[9] 46 المائدة
[10] 65 المائدة
