- ރިވެތިވެގެންވާ ނިމުމެއް ތަޤްވާވެރިންނަށް ލިބުން
(وَالْعَاقِبَةُ لِلتَّقْوَىٰ)[1]
މާނަ: “ރަނގަޅު ނިމުންވަނީ، ތަޤުވާވެރިންނަށެވެ.”
- ﷲ ބާވައިލެއްވި ފޮތްތަކުން ފައިދާ ލިބިގަންނަނީ ތަޤްވާގެ ސިފަލިބިގެންވާ މީހުން
(وَلَقَدْ آتَيْنَا مُوسَىٰ وَهَارُونَ الْفُرْقَانَ وَضِيَاءً وَذِكْرًا لِّلْمُتَّقِينَ)[2]
މާނަ: “ހަމަކަށަވަރުން ތިމަންއިލާހު މޫސާގެފާނަށާއި، ހާރޫނުގެފާނަށް ޙައްޤާއި ބާޠިލު ވަކިކުރަނިވި ފޮތް (އެބަހީ: ތައުރާތު) ދެއްވީމެވެ. ތަޤުވާވެރިންނަށް އަލިކަމެއް ކަމުގައްޔާއި، ހަނދާންކޮށްދިނުމެއް ކަމުގައެވެ.”
- ތަޤްވާއަކީ ޤިޔާމަތް ދުވަހު ބިރުވެރިކަމުން ސަލާމަތްކަން ލިބޭ ސަބަބެއް
(اتَّقُوا رَبَّكُمْ ۚ إِنَّ زَلْزَلَةَ السَّاعَةِ شَيْءٌ عَظِيمٌ)[3]
މާނަ: “ތިޔަބައިމީހުންގެ ވެރިރައްބަށް ތިޔަބައިމީހުން ތަޤުވާވެރިވާށެވެ! ހަމަކަށަވަރުން ޤިޔާމަތްވުމުގެ ޒަލްޒަލާއަކީ ބޮޑުވެގެންވާ ކަމެކެވެ.”
- ތަޤްވާއަކީ ﷲ ތަޢާލާގެ ޝަޢާއިރުތައް މަތިވެރިވެގެން ދިއުމުގެ ސަބަބެއް
)وَمَن يُعَظِّمْ شَعَائِرَ اللَّـهِ فَإِنَّهَا مِن تَقْوَى الْقُلُوبِ([4]
މާނަ: “އަދި ﷲ ގެ ޝަޢާއިރުތަކަށް (އެބަހީ: ހަދުޔު ކަތިލުމާއި، އުޟުޙިޔާ ކަތިލުމާއި، ޙައްޖުގެ ޢަމަލުތަކާއި، އެނޫންވެސް ދީނީ އަމުރުތަކަށް) މާތްކޮށްހިތާމީހާ (ދަންނާށެވެ!) ފަހެ، އެކަންތައްވަނީ، ހިތްތަކުގެ ތަޤުވާވެރިކަމުގެ ތެރެއިންނެވެ.”
- ﷲ ތަޢާލާ އާއި ދެމެދު އޮންނަ ގުޅުން ބަދަހިވެ އަދި އެކަމުން ލިބޭ ފައިދާތައް ލިބޭ ސަބަބެއް
(وَلَـٰكِن يَنَالُهُ التَّقْوَىٰ مِنكُمْ)[5]
މާނަ: “ތިޔަބައިމީހުންގެ ކިބައިން އެއިލާހުގެ ޙަޟްރަތަށް ދަނީ ތަޤުވާވެރިކަމެވެ.”
- ތަޤްވާއަކީ ޤުރުއާނުން ވަޢުޡު ލިބިގަނެވޭ އަދި އެހެން ފައިދާތައް ވެސް ލިބޭ ސަބަބެއް
(وَمَثَلًا مِّنَ الَّذِينَ خَلَوْا مِن قَبْلِكُمْ وَمَوْعِظَةً لِّلْمُتَّقِينَ)[6]
މާނަ: “ތިޔަބައިމީހުންގެ ކުރިން އިސްވެދިޔަމީހުންގެ مثال އާއި، تقوى ވެރިވެ، ބިރުވެތިވާ މީހުންނަށް وعظ ގެ ބަސްފުޅުތައް، ތިމަންރަސްކަލާނގެ ބާވައިލެއްވީމެވެ.
- ތަޤްވާއަކީ ބިރުގަންނަ ކަންކަމުން ސަލާމަތްކަން ލިއްބައިގޭ ކާމިޔާބަށް މަގުފަހިކޮށްދޭ ސަބަބެއް
(وَمَن يُطِعِ اللَّهَ وَرَسُولَهُ وَيَخْشَ اللَّهَ وَيَتَّقْهِ فَأُولَٰئِكَ هُمُ الْفَائِزُونَ)[7]
މާނަ: އަދި اللَّه އާއި، އެކަލާނގެ رسول އާއަށް ކިޔަމަންވެ، އަދި اللَّه އަށް ބިރުވެތިވެ، އެކަލާނގެއަށް تقوى ވެރިވާމީހާ (ދަންނާށެވެ!) ފަހެ، އެއުރެންނީ ހަމަ نصيب ލިބިގެންވާ މީހުންނެވެ.
- ތަޤްވާވެރިންނަށް ސުވަރުގޭގެ ނިޢުމަތް ދެއްވާނެ ކަމަށް ﷲ ވަޢުދުކުރެއްވުން.
(أَذَٰلِكَ خَيْرٌ أَمْ جَنَّةُ الْخُلْدِ الَّتِي وُعِدَ الْمُتَّقُونَ)[8]
މާނަ: ހެޔޮކަންބޮޑީ އެގޮތްހެއްޔެވެ؟ ނުވަތަ تقوى ވެރިންނަށް وعد ކުރައްވާފައިވާ، ދެމިތިބުމުގެ ސުވަރުގެ ހެއްޔެވެ؟ އެއުރެންނަށް ޖަޒާއެއްކަމުގައި އެ ސުވަރުގެ ވެއެވެ.
- ތަޤްވާވެރިންނަށް ސުވަރުގޭގައި އެމީހުން ހިތްއެދޭ ހުރިހާ ކަމެއް ލިބިގެން ދިއުން.
(لَّهُمْ فِيهَا مَا يَشَاءُونَ خَالِدِينَ)[9]
މާނަ: އެއުރެން އެދޭހާ ކަމެއް އެ ސުވަރުގޭގައި އެއުރެންނަށް ހުށްޓެވެ. ދެމިތިބެނިވި ގޮތުގައެވެ.
- ތަޤްވާގެ ސިފަލިބިފައި މީހުންނަށް ސުވަރުގެ ކައިރިކުރެއްވުން
(وَأُزْلِفَتِ الْجَنَّةُ لِلْمُتَّقِينَ)[10]
މާނަ: އަދި تقوى ވެރިންނަށް ސުވަރުގެ ކައިރިކުރައްވާނެތެވެ.
= ނުނިމޭ =
_____________________
މިއީ ޝައިޚް ޢުޘައިމީން ލިޔުއްވާފައި فوائد التقوى من القرآن الكريم ގެ ތަރުޖަމާއެވެ.
[1] 132 طه
[2] 48 الأنبياء
[3] 1 الحج
[4] 32 الحج
[5] 37 الحج
[6] 34 النور
[7] النور 52
[8] 15 الفرقان
[9] الفرقان 16
[10] الشعراء 90
