- ތަޤްވާއަކީ ދުނިޔޭގެ ޢަޛާބުން ރައްކައުތެރިކަން ލިބެނިވި ސަބަބެއް
(وَأَنجَيْنَا الَّذِينَ آمَنُوا وَكَانُوا يَتَّقُونَ) [1]
މާނަ: އަދި إيمان ވެ تقوى ވެރިކަންމަތީ އުޅުނުމީހުން، ތިމަން އިލާހު ސަލާމަތްކުރެއްވީމެވެ.
- ރިވެތިވެގެންވާ ނިމުންވަނީ ތަޤްވާވެރިންނަށްކަން
(وَالْعَاقِبَةُ لِلْمُتَّقِينَ)[2]
މާނަ: އަދި ހެޔޮނިމުންވަނީ تقوى ވެރިންނަށެވެ.
- ތަޤްވާއަކީ ޢަމަލުތައް ރަނގަޅުވެގެން ދިއުމާއެކު ފާފަ ފުއްސަވައިދެއްވުމުގެ ސަބަބެއް
(اتَّقُوا اللَّـهَ وَقُولُوا قَوْلًا سَدِيدًا)[3]
މާނަ: ތިޔަބައިމީހުން اللَّه އަށް تقوى ވެރިވާށެވެ! އަދި ސީދާވެގެންވާ ބުނުމަކުން ތިޔަބައިމީހުން ބަސްބުނާށެވެ!
(يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ)
މާނަ: (އޭރުން) ތިޔަބައިމީހުންނަށްޓަކައި، ތިޔަބައިމީހުންގެ عمل ތައް އެކަލާނގެ إصلاح ކޮށްދެއްވާނެތެވެ. އަދި ތިޔަބައިމީހުންނަށްޓަކައި، އެކަލާނގެ ތިޔަބައިމީހުންގެ ފާފަތައް ފުއްސަވައިދެއްވާނެތެވެ.
- ތަޤްވާއަކީ ﷲ ތަޢާލާގެ ރަޙުމަތް ލިބުނިވި ސަބަބެއް
(اتَّقُوا مَا بَيْنَ أَيْدِيكُمْ وَمَا خَلْفَكُمْ لَعَلَّكُمْ تُرْحَمُونَ)[4]
މާނަ: ތިޔަބައިމީހުންގެ ކުރިމަތީގައިވާ ތަނާއި، ތިޔަބައިމީހުންގެ ފަހަަތުގައިވާ ތަނަށް ބިރުވެތިވެ ރައްކާތެރިވާށޭ އެއުރެންނަށް އަންގަވައިފިނަމަ، އެއުރެން ފުރަގަސްދީ އެނބުރިދެތެވެ.
- ތަޤްވާވެރިންނަކީ ވަރަށް މަތިވެރި ބަޔެއް
(أَمْ نَجْعَلُ الْمُتَّقِينَ كَالْفُجَّارِ)[5]
މާނަ: ނުވަތަ كافر ވި މީހުންނެކޭ އެއްފަދައިން، ތިމަންރަސްކަލާނގެ تقوى ވެރިން ލައްވާނެހެއްޔެވެ؟
- ރިވެތިވެގެންވާ ނިމުމެއް ތަޤްވާވެރިންނަށް ލިބުން
(وَإِنَّ لِلْمُتَّقِينَ لَحُسْنَ مَآبٍ)[6]
މާނަ: އަދި ހަމަކަށަވަރުން، تقوى ވެރިންނަށް އެނބުރިދަނިވި ރިވެތިވެގެންވާ ތަނެއްވެއެވެ.
- ތަޤްވާގެ ނަތީޖާ އަކީ ތެދުކުރުމާއި، ތެދުވެރިވުން
(وَالَّذِي جَاءَ بِالصِّدْقِ وَصَدَّقَ بِهِ ۙ أُولَـٰئِكَ هُمُ الْمُتَّقُونَ)[7]
މާނަ: ތެދާއިގެން އަންނަމީހާއާއި އަދި އެތެދު قبول ކުރާމީހާ (ދަންނާށެވެ!) އެއުރެންނީ، ހަމަ تقوى ވެރިންނެވެ.
- ތަޤްވާވެރިންނަށްޓަކައި، އެމީހުން ހިތްއެދޭ ހުރިހާ އެއްޗެއް ސުވަރުގޭގައި ލެއްވުން
(لَهُم مَّا يَشَاءُونَ عِندَ رَبِّهِمْ)[8]
މާނަ: އެއުރެންގެ ވެރިރަސްކަލާނގެ حضرة ގައި އެއުރެން އެދޭހާކަމެއް އެއުރެންނަށް ހުށްޓެވެ.
- ތަޤްވާވެރިކަމަކީ ފާފަ ފޮހެވިގެންދާ ދިއުމާއެކު ހެޔޮވެގެންވާ ޖަޒާ ލިބުނިވި ސަބަބެއް
(لِيُكَفِّرَ اللَّـهُ عَنْهُمْ أَسْوَأَ الَّذِي عَمِلُوا وَيَجْزِيَهُمْ أَجْرَهُم بِأَحْسَنِ الَّذِي كَانُوا يَعْمَلُونَ)[9]
މާނަ: އެއުރެންކޮށްފައިވާ ނުބައި عمل ތައް، اللَّه، އެއުރެންގެ ކިބައިން ފުއްސެވުމަށްޓަކައެވެ. އަދި އެއުރެން عمل ކޮށްއުޅުނު އެންމެހެޔޮގޮތުގެ ދަރުމައިން، އެކަލާނގެ އެއުރެންނަށް ޖަޒާދެއްވުމަށްޓަކައެވެ.
- ތަޤްވާގެ ސިފަލިބިފައިވާ މީހުންނަށް އުސްވެގެންވާ ސުވަރުގެތައް ލިބުންވަނީ އެންމެ ފުރިހަމަވެގެންވާ ނިޢުމަތްތަކާއި އެކުގައި
(لَـٰكِنِ الَّذِينَ اتَّقَوْا رَبَّهُمْ لَهُمْ غُرَفٌ مِّن فَوْقِهَا غُرَفٌ مَّبْنِيَّةٌ تَجْرِي مِن تَحْتِهَا الْأَنْهَارُ)[10]
މާނަ: އެހެނެއްކަމަކު، އެއުރެންގެ ރައްބަށް تقوى ވެރިވިމީހުންނަށް (ސުވަރުގޭގައި) ކޮޓަރިތަކެއްވެއެވެ. އޭގެމަތީގައިވެސް ބިނާކުރައްވާފައިވާ ކޮޓަރިތައްވެއެވެ. އެތާނގެދަށުން ފެންކޯރުތައް ހިނގަހިނގާ ހުންނާނެތެވެ.
= ނުނިމޭ =
_____________________
މިއީ ޝައިޚް ޢުޘައިމީން ލިޔުއްވާފައި فوائد التقوى من القرآن الكريم ގެ ތަރުޖަމާއެވެ.
[1] 53 النمل
[2] القصص 83
[3] 72-71 الأحزاب
[4] يس 45
[5] ص 28
[6] ص 49
[7] 33 الزمر
[8] 34 الزمر
[9] 35 الزمر
[10] 20 الزمر
