- ތަޤްވާގެ ސަބަބުން ފާފަތައް ފުހެވި އަޖުރު އިތުރުވެގެން ދިއުމުގެ ސަބަބެއް
(وَمَن يَتَّقِ اللَّـهَ يُكَفِّرْ عَنْهُ سَيِّئَاتِهِ وَيُعْظِمْ لَهُ أَجْرًا)[1]
މާނަ: އަދި اللَّه އަށް تقوى ވެރިވެއްޖެމީހާ (ދަންނާށެވެ!) އެކަލާނގެ އޭނާގެ ކިބައިން އޭނާގެ ކުށްތައް ފުއްސަވާނެތެވެ. އަދި އެކަލާނގެ އޭނާއަށް ދަރުމަ ބޮޑުކުރައްވާނެތެވެ.
- ތަޤްވާވެރިންނަށް ހުރީ ސުވަރުގެތަކެވެ.
(إِنَّ لِلْمُتَّقِينَ عِندَ رَبِّهِمْ جَنَّاتِ النَّعِيمِ)[2]
މާނަ: ހަމަކަށަވަރުން، تقوى ވެރިންނަށް އެއުރެންގެ ވެރިރަސްކަލާނގެ حضرة ގައި نعمة ގެ ސުވަރުގެތައްވެއެވެ.
- ގިނަގިނައިން ޤުރުއާންގެ މަތިން ޒިކުރުކުރާ މީހުންގެ ތެރެއިން ތަޤްވާގެ އަހުލުވެރިންވުން
(وَإِنَّهُ لَتَذْكِرَةٌ لِّلْمُتَّقِينَ)
މާނަ: ހަމަކަށަވަރުން، އެ قرآن އަކީ، تقوى ވެރިންނަށް އޮތް ހަނދާންކޮށްދިނުމެއްކަން ކަށަވަރެވެ.
- ތަޤްވާވެރިންނަށް ލިބޭ ޘަވާބުގެ ތެރޭގައި ހިޔާތަކާއި، ކޯރުތަކާ އަދި ހިތްއެދޭ މޭވާތައް ލިބެއެވެ.
(إِنَّ الْمُتَّقِينَ فِي ظِلَالٍ وَعُيُونٍ )[3]
މާނަ: ހަމަކަށަވަރުން، تقوى ވެރިންވަނީ، ހިޔާތަކާއި، ފެން އާރުތަކުގެ نعمة ގައެވެ.
( وَفَوَاكِهَ مِمَّا يَشْتَهُونَ )
މާނަ: އަދި އެއުރެން ހިތްއެދޭ މޭވާތަކުގެ ތެރޭގައެވެ.
- ތަޤްވާވެރިންނަށް ލިބޭ ޘަވާބުގެ ތެރޭގައި ސުވަރުގެއަށް ވުނުމުގެ ނަޞީބު ލިބި އެތާގައިވާ ނިޢުމަތްތައް ޙާސިލުވުން
(إِنَّ لِلْمُتَّقِينَ مَفَازًا) [4]
މާނަ: ހަމަކަށަވަރުން، تقوى ވެރިންނަށް ހުރީ، نصيب ލިބެނިވި ތަނެކެވެ.
(حَدَائِقَ وَأَعْنَابًا )
މާނަ: ބަގީޗާތަކާއި، އަދި މޭބިސްކަދުރުތަކެވެ.
(وَكَوَاعِبَ أَتْرَابًا)
މާނަ: އަދި އެއްފުރާވަރުގެ ޒުވާން އަންހެން ކުދިންނެވެ.
(وَكَأْسًا دِهَاقًا )
މާނަ: އަދި ފުރިފައިވާ ރާތަށިތަކެވެ.
( لَّا يَسْمَعُونَ فِيهَا لَغْوًا وَلَا كِذَّابًا)
މާނަ: باطل ވާހަކަތަކެއް، އަދި ދޮގެއް އެއުރެން އެތާކު ނާހާނެތެވެ.
(جَزَاءً مِّن رَّبِّكَ عَطَاءً حِسَابًا )
މާނަ: ކަލޭގެފާނުގެ ވެރިރަސްކަލާނގެ حضرة ން ލިބެނިވި ޖަޒާއެއްގެ ގޮތުގައެވެ. ފުދިގެންވާ ދެއްވުމެއްގެ ގޮތުގައެވެ.
- ތަޤްވާއަކީ ކަންކަން ފަސޭހަވެގެން ދިއުމުގެ ސަބަބެއް
(فَأَمَّا مَنْ أَعْطَىٰ وَاتَّقَىٰ )[5]
މާނަ: ހަމަކަށަވަރުން، އެއުރެންގެ عمل ތައް ތަފާތުވެގެންވާކަން ކަށަވަރެވެ.
(وَصَدَّقَ بِالْحُسْنَىٰ)
މާނަ: ފަހެ) މުދަލުން (ހޭދަކޮށް) اللَّه އަށް (تقوى ވެރިވެ، އަދި އެންމެ ހެޔޮބަސް ތެދުކުރިމީހާ ދަންނާށެވެ!
( فَسَنُيَسِّرُهُ لِلْيُسْرَىٰ)
މާނަ: ފަހެ، ތިމަންރަސްކަލާނގެ ފަސޭހަކަން ހުރިމަގަށް އެމީހަކަށް މަގު ފަހިކޮށްދެއްވާ ހުށީމެވެ.
- ނަރަކައިން ސަލާމަތްވުމުގެ ސަބަބެއް
( وَسَيُجَنَّبُهَا الْأَتْقَى) [6]
މާނަ: އަދި تقوى ވެރިކަން ބޮޑުމީހާ، އެ ނަރަކަޔާ ދުރުކުރައްވާނެތެވެ.
( الَّذِي يُؤْتِي مَالَهُ يَتَزَكَّىٰ)
މާނަ: އެމީހާއީ، އެމީހާ طاهر ވެގަތުމަށްޓަކައި، އޭނާގެ މުދާ ހޭދަކުރާ މީހާއެވެ.
( وَمَا لِأَحَدٍ عِندَهُ مِن نِّعْمَةٍ تُجْزَىٰ)
މާނަ: އެހެންމީހެއްގެ ފަރާތުން އޭނާޔަށް ލިބޭނެ ހެޔޮކަމެއްގެ ބަދަލުގައެއް ނޫނެވެ.
(إِلَّا ابْتِغَاءَ وَجْهِ رَبِّهِ الْأَعْلَىٰ )
މާނަ: އެހެނެއްކަމަކު) އޭނާ ހޭދަކުރަނީ (އޭނާގެ ވެރި، މަތިވެރިވަންތަ ރަސްކަލާނގެ وجه ފުޅު އަދައިގެންނެވެ.
(وَلَسَوْفَ يَرْضَىٰ)
މާނަ: އަދި ނިކަންހުރެ އޭނާ ރުހޭނެކަން ކަށަވަރެވެ.
= ނުނިމޭ =
_____________________
މިއީ ޝައިޚް ޢުޘައިމީން ލިޔުއްވާފައި فوائد التقوى من القرآن الكريم ގެ ތަރުޖަމާއެވެ.
[1] الطلاق 5
[2] 34 القلم
[3] 42-41 المرسلات
[4] 36-31 النبإ
[5] 7-5 الليل
[6] 21-17 الليل
