އައްޝައިޚް މުޙައްމަދު ބުން ޞާލިޙް އަލްޢުޘައިމީން – رحمه الله – އަށް ސުވާލު ދެންނެވުނެވެ:
ޙައްޖު ދުވަސް ހުކުރު ދުވަހަކަށް ވުމުން އެދުވަސް މާތް ވެގެންވާކަމަށް ނަބިއްޔާ – صلى الله عليه وسلم – ގެ އަރިހުން އައިސްފައިވޭ ހެއްޔެވެ؟
ފަހެ ޝައިޚް ޖަވާބު ދެއްވަމުން ވިދާޅުވިއެވެ:
ޢަރަފާތް ދުވަސް ހުކުރު ދުވަހަކަށްވުމުން ވަކި ޚާއްޞަކަމެއް ވާކަން ނަބިއްޔާ – صلى الله عليه وسلم – ގެ އަރިހުން ވާރިދުވެގެން އައިސްފައެއް ނުވެއެވެ. ނަމަވެސް ޢިލްމުވެރިން ވިދާޅުވެފައިވަނީ އެ ދުވަސް ހުކުރު ދުވަހަކަށް ވުމުން އެކަމުގައި ހެޔޮކަންވާކަމުގައެވެ.
ފުރަތަމައީ: އެޙައްޖަކީ ނަބިއްޔާ – صلى الله عليه وسلم – ގެ ޙައްޖާއި އެއްފަދަ ޙައްޖެކެވެ. އެއީ ރަސޫލާ – صلى الله عليه وسلم – ޢަރަފާތުގައި މަޑުކުރެއްވި ދުވަސްވީ ހުކުރު ދުވަހަކަށެވެ.
ދެވަނައީ: މުސްލިމު އަޅާ ތެދުވެ ނަމާދުކޮށް ﷲގެ ޙަޟްރަތުން ކަމަކަށް އެދި ދަންނެވުމުން އެކަމެއް ފުރިހަމަކޮށް ނުދެއްވާ ދޫކޮށްނުލައްވާ ވަޤުތެއް ހުކުރު ދުވަހުގައިވެއެވެ. ފަހެ އެކަން ޢިޖާބަކުރެއްވުން ގާތްވެގެންވެއެވެ.
ތިންވަނައީ: ހަމަކަށަވަރުން ޢަރަފާތް ދުވަހަކީ ޢީދެކެވެ. އަދި ހުކުރު ދުވަހަކީ ވެސް ޢީދެކެވެ. ފަހެ ދެޢީދު ބައްދަލުވުމުން އޭގައި ހެޔޮކަމެއްވެއެވެ.
އަދި ދަންނައެވެ. މީސްތަކުންގެ މެދުގައި މަޝްހޫރުވެފައިވަނީ ހުކުރު ޙައްޖެއް ހަތްދިހަ ޙައްޖާއި އެއްފަދަވެގެންވާކަމަށެވެ. ފަހެ މިއީ ޞައްޙަ ވާހަކައެއް ނޫނެވެ.
_________________________________________________
[مجموع فتاوى ورسائل فضيلة الشيخ محمد بن صالح العثيمين/ مجلد: ٢۱/ صفحة: ٣٥/ طبعة: دار الثريا للنشر والتوزيع ]
