الحمد لله والصلاة والسلام على رسول الله وعلى آله وصحبه أجمعين.
ނަބިއްޔާ صلى الله عليه وسلم ގެ ޒަމާނުގައި އިސްލާމްދީނުގެ އަލިގަދަ ނޫރު ފެތުރިގެން ދިޔުމަށްފަހު މިއަދާ ހަމައަށްވެސް އެއްވެސް ކިލަނބުކަމެއް ނެތި ވަނީ އެ ސާފުކަން މަތީގައި ދެމިގެންގޮސްފައެވެ. މިދީން އަޅުގަނޑުމެންނާ ހަމައަށް ފޯރާފައިވާއިރު މިދީނުގެ ދެމަޞްދަރު ކަމުގައިވާ ކީރިތި ޤުރުއާނާއި ރަސޫލާ صلى الله عليه وسلم ގެ ސުންނަތް ވަނީ މިއަދާ ހަމައަށްވެސް ރައްކާތެރިކުރެވިފައެވެ. މިމަޞްދަރުތައް ރައްކާތެރިކުރެއްވުމަށްޓަކައި ﷲ ތަޢާލާވަނީ ސަބަބުތަކެއް މެދުވެރިކުރައްވާފައެވެ.
އެގޮތުން އެކި ޒަމާންތަކުގައި އިސްލާމްދީނުގެ ޙުކުމްތައް މީސްތަކުންނަށް ބަޔާންކޮށްދީ، ޙަދީޘްތައް ލިޔެ ޖަމާކޮށް ރައްކާތެރިކޮށްދެއްވާނެ ޢިލްމުވެރިންތަކެއް ﷲ ތަޢާލާވަނީ ލައްވާފައެވެ.
الأربعون النووية އަކީ އިމާމު އައްނަވަވީ رحمه الله ޖަމާކުރައްވާފައިވާ، ޙަދީޘް ފަންނުގައި މުހިންމު އަދި އަސާސީ ފޮތެކެވެ. މިފޮތުގެ ދިވެހި ތަރުޖަމާއެއް ނެރުމަކީ މިފޮތް ހިތުދަސްކޮށް އަދި ދިރާސާކުރާ ފަރާތްތަކަށް ލިބިގެންދާނޭ އިތުރު ކުރިއެރުމެއްކަމުގައި އުންމީދުކުރަމެވެ.
| ފޮތުގެ ނަން | الأربعون النووية ދިވެހި ތަރުޖަމާއާއެކު |
| ޞަފްޙާގެ ޢަދަދު | 94 ޞަފްޙާ – A5 ސައިޒް |
| ފައިލް ސައިޒް | 1.47 mb |
