ﷲއީ ތިމަންކަލޭގެފާނުގެ ރައްބެވެ!
އިބްރާހީމްގެފާނާއި އަހަރެމެންގެ ރައްބަކީ އަވަހާރަވުމެއް ނުވާ، އަބަދަށް ދިރިދެމިވޮޑިގެންވާ ﷲ އެވެ. އެއިލާހީ އަބަދުމެ އަހަރެމެންގެ ކަންތައް ބައްލަވާ ވޮޑިގެންވާ އިލާހެވެ. އެއިލާހީ ހުރިހާ ކަމަކަށްވެސް ކުޅަދުންވަންތަވެވޮޑިގެންވާ، އެންމެހާ ބާރެއް މިލްކުވެގެންވާ އިލާހެވެ. ހަނދާއި، އިރާއި އަދި ތަރިތަކަކީވެސް ﷲ ތަޢާލާ އުފެއްދެވި އެއްޗެހިކަން އިބްރާހީމްގެފާނަށް އެނގިވަޑައިގެންނެވިއެވެ.
ﷲ ތަޢާލާ އިބްރާހީމްގެފާނަށް ތެދުމަގު ދެއްކެވިއެވެ. އަދި އެކަލޭގެފާނު ރަސޫލުބޭކަލެއްގެ ގޮތުގައި ލެއްވިއެވެ. އެހިނދު، އެކަލޭގެފާނުގެ ޤައުމުގެ މީހުންނަށް ﷲ ތަޢާލާ ގެ ދީނަށް ގޮވާލައްވާ، ބުދުތަކަށް އަޅުކަންކުރުން މަނާކުރެއްވުމަށް އެކަލޭގެފާނަށް ﷲ ތަޢާލާ އަމުރުކުރެއްވިއެވެ.
_____________________________
މަޞްދަރު: قصص النبيين للأطفال
