سورة إبراهيم
ރަސޫލު ބޭކަލުންގެ ވަޒީފާ ބަޔާންކޮށްދެއްވުން.
އެބޭކަލުންގެ ޤައުމުގެ މީހުން ފުރަގަސް ދިން ޙާލުގައިވެސް، ޝިރުކުގެ އަނދިރިކަމުން ތައުޙީދުގެ ނޫރުގެ ތެރެއަށް މީސްތަކުން ނެރުމަށް އެބޭކަލުން ދެއްވި ސަމާލުކަން ބަޔާންކުރެއްވުން.
އެފަދަ ވާހަކަތަކަކީ ނަބިއްޔާ صلى الله عليه وسلم އަށް އިތުރަށް ޘާބިތުކަން ލިބިގެންދާނެ ކަމެއް. އަދި އަނިޔާވެރިންނަށް ހުރި ވަޢީދު ހާމަވެގެންދާނޭ ކަމެއް.
سورة الحجر
ހަލާކުކުރެއްވުނު މީހުންގެ ކަންކަން ބަޔާންކުރައްވައި ރަސޫލުބޭކަލުން ދޮގުކުރާ މީހުންނަށް އިންޛާރު ދެއްވުން.
އެއީ މުޚާޠަބު ކުރެވޭ މީހުންނަށް ހުރި އިންޛާރެއްގެ ގޮތުގައި އަދި މުއުމިނުންނަށް ހުރި ތަސައްލީއެއްގެ ގޮތުގައެވެ.
سورة النحل
ނިޢުމަތްދެއްވި ފަރާތުން ދެއްވި ނިޢުމަތްތައް ހަނދުމަކޮށްދިނުން. އެހެނީ އެއީ އެއިލާހަށް އަޅުކަންކުރުން ލާޒިމުވާ ސަބަބެކެވެ.
ނިޢުމަތްތައް އިންކާރުކުރުމުގެ ނުރައްކާތެރިކަމާމެދު އިންޛާރުދެއްވުން.
سورة الإسراء
ނަބިއްޔާ صلى الله عليه وسلم ގެ ރިސާލަތުގެ ފުރިހަމަކަން ބަޔާންކުރެއްވުން.
މިސޫރަތުގައި އެކަލޭގެފާނުގެ ރިސާލާތުގައިވާ އިޝާރާތްތަކާއި އުފާވެރިކަމުގެ ޚަބަރުތައް އެކުލެވިގެންވޭ.
________________________
މަޞްދަރު: المختصر في تفسير القرآن الكريم
