- ޢީސާގެފާނަށްފަހު އަހަރެމެންގެ ނަބިއްޔާ މުޙައްމަދު صلى الله عليه وسلم :
އަބޫހުރައިރާ ރަޟިޔަﷲ ޢަންހުގެ އަރިހުން ރިވާވެގެންވެއެވެ. ރަސޫލާ صلى الله عليه وسلم ޙަދީޘްކުރައްވަނިކޮށް ތިމަންކަލޭގެފާނު އަޑުއެއްސެވީމެވެ. އެކަލޭގެފާނު ޙަދީޘްކުރެއްވިއެވެ.
«أَنَا أَوْلَى النَّاسِ بِابْنِ مَرْيَمَ، وَالأَنْبِيَاءُ أَوْلاَدُ عَلَّاتٍ، لَيْسَ بَيْنِي وَبَيْنَهُ نَبِيٌّ» [رواه البخاري (3442) ومسلم (2365)]
މާނަ: “މީސްތަކުންކުރެ މަރިޔަމްގެފާނުގެ ދަރިކަލުންނަށް (އެބަހީ: ޢީސާގެފާނަށް) އެންމެ އައުލާކަން ބޮޑީ ތިމަންކަލޭގެފާނެވެ. ނަބިއްޔުންނަކީ އެއްބަފާ ވަކި މައިންގެ ކިބައިން އައިސްފައިވާ އަޚުންނެވެ. ތިމަންކަލޭގެފާނާ އެކަލޭގެފާނާ (އެބަހީ: ޢީސާގެފާނާ) ދެމެދު ނަބިއްޔެއް ނުވެއެވެ.”
ނަބީކަން ޚަތިމްކުރެއްވީ އަހަރެމެންގެ މާތް ނަބިއްޔާ މުޙައްމަދު صلى الله عليه وسلم އެވެ.
ﷲ ތަޢާލާ ވަޙީކުރައްވާފައިވެއެވެ.
﴿مَّا كَانَ مُحَمَّدٌ أَبَا أَحَدٍ مِّن رِّجَالِكُمْ وَلَـٰكِن رَّسُولَ اللَّـهِ وَخَاتَمَ النَّبِيِّينَ ۗ وَكَانَ اللَّـهُ بِكُلِّ شَيْءٍ عَلِيمًا﴾ [سورة الأحزاب 40]
މާނަ: “ތިޔަބައިމީހުންގެ ބޮޑެތި ފިރިހެނުންގެ ތެރެއިން އެކެއްގެވެސް ބަފައިކަލަކު ކަމުގައި މުޙައްމަދުގެފާނު ނުވެއެވެ. އެހެނެއްކަމަކު، (އެކަލޭގެފާނީ) ﷲގެ ރަސޫލާއެވެ. އަދި ނަބީކަން ޚަތިމުކުރެއްވީ އެކަލޭގެފާނެވެ. އަދި ކޮންމެ ކަމެއްމެ މޮޅަށް ދެނެވޮޑިގެންވާ އިލާހަކު ކަމުގައި ﷲ ވޮޑިގެންވެއެވެ.”
=ނުނިމޭ=
____________________________
