ބަސްމަލާގެ މާނަ
* ޢަރަބި ބަހުގައި البَسْمَلَة ގެ މާނައަކީ: ﷲ ގެ އިސްމުފުޅުން ފެށުމެވެ.
މި ލިޔުމުގައި البَسْمَلَة ގެ މުރާދަކީ ކީރިތި ޤުރުއާން ކިޔަވަން ފެށުމުގެ ކުރިން بِاسْمِ اللهِ الرَّحْمٰنِ الرَّحِيْم މިފަދައިން ކިޔުމެވެ. [1]
މާނައަކީ: ރަޙްމާނުވަންތަ ރަޙީމުވަންތަ ﷲ ގެ އިސްމުފުޅުން ފަށަމެވެ.
* – ސޫރަތެއްގެ މެދުތެރޭގައި ބިސްމި ވާރިދުވެފައިވަނީ ނަމްލު ސޫރަތުގައެވެ. [2]
އެއީ ނަމްލު ސޫރަތުގެ އަންނަނިވި އާޔަތެވެ.
﴿إِنَّهُ مِن سُلَيْمَانَ وَإِنَّهُ بِسْمِ اللَّـهِ الرَّحْمَـٰنِ الرَّحِيمِ﴾ [سورة النمل ٣٠]
މާނައީ: “އެއީ ހަމަކަށަވަރުން ސުލައިމާނުގެފާނުގެ އަރިހުން އައި ސިޓީފުޅެކެވެ. އަދި ހަމަކަށަވަރުން އޭގައި އަންގަވާފައިވަނީ باسـم اللَّه الرّحمـن الرّحيـم އެވެ. (އެބަހީ: ރަޙްމާނުވަންތަ ރަޙީމުވަންތަ ﷲ ގެ އިސްމުފުޅުން ފަށަމެވެ.)”
– ތައުބާ ސޫރަތް ފިޔަވާ އެހެން ހުރިހާ ސޫރަތެއް ފެށުމުގެ ކުރިން ބިސްމި ކިޔުމަކީ ވާޖިބެކެވެ. [3]
– ތައުބާ ސޫރަތް ފަށާއިރު ބިސްމި ކިޔަން ނުޖެހެއެވެ. އަދި މުޞްޙަފުގައިވެސް ތައުބާ ސޫރަތް ފަށާއިރު ބިސްމި ލިޔެފައި ނުވެއެވެ. [4]
ބިސްމީގެ ޞީޣާ
ކީރިތި ޤުރުއާނު ތިލަވާވަތުކުރުމުގެ ކުރިން ކިޔުމަށް ވާރިދުވެފައިވާ ބިސްމީގެ ޞީޣާއަކީ: بِاسْمِ اللهِ الرَّحْمٰنِ الرَّحِيْم އެވެ.
[1] ބައްލަވާ: أحكام القرآن للجصاص (1/8) والمجموع للنووي (3/333 – 335) ومجموع فتاوى لشيخ الإسلام ابن تيمية (22/438).
[2] ބައްލަވާ: غاية المريد لعطية قابل نصر (ص: 47).
[3] ބައްލަވާ: شرح تحفة الأطفال للشيخ محمد مصطفى بلال (ص: 16).
[4] ބައްލަވާ: تفسير ابن كثير (1/48).
