2. ސައުދާ ބިންތު ޒަމްޢާ ބިން ޤައިސް رضي الله عنها:
ނަބިއްޔާ صلى الله عليه وسلم އެކަމަނާއާ ކައިވެނި ބައްލަވައިގެންނެވީ ނަބީކަމައިގެން ފޮނުއްވުނުތާ ދިހަވަނައަށްވީ އަހަރުއެވެ. [طبقات ابن سعد من طريق الواقدي 8/52-53 ، وابن كثير في البداية والنهاية 3/149]
3. ޢާއިޝާ ބިންތު އަބޫބަކްރު އައްޞިއްދީޤު رضي الله عنهما:
ނަބިއްޔާ صلى الله عليه وسلم އެކަމަނާއާ ކައިވެނި ބައްލަވައިގެންނެވީ ނަބީކަމައިގެން ފޮނުއްވުނުތާ ދިހަވަނައަށްވީ އަހަރުގެ ޝައްވާލު މަހުގައެވެ. [ابن سعد 8/58-59] އެކަމަނާ ވިދާޅުވެފައިވެއެވެ.
((تَزَوَّجَنِي النَّبِيُّ صَلَّى اللهُ عَلَيْهِ وَسَلَّمَ وَأَنَا بِنْتُ سِتِّ سِنِينَ، وَبَنَى بِي وَأَنَا بِنْتُ تِسْعِ سِنِينَ)) [رواه البخاري 3894 ومسلم 1422]
މާނައީ: “ނަބިއްޔާ صلى الله عليه وسلم ތިމަންކަމަނާއާ ކައިވެނި ބައްލަވައިގެންނެވިއިރު ތިމަންކަމަނާގެ ޢުމުރަކީ ހަ އަހަރެވެ. އަދި ތިމަންކަމަނާއާއެކު ރޭކުރެއްވިއިރު ތިމަންކަމަނާގެ ޢުމުރަކީ ނުވަ އަހަރެވެ.”
އަދިވެސް އިމާމު ބުޚާރީ ރިވާކުރައްވާފައިވެއެވެ.
((لَمْ يَتَزَوَّجْ بِكْرًا غَيْرَهَا)) [وروى البخاري 5077]
މާނައީ: “އެކަމަނާ ފިޔަވާ ބިކުރުވެރިއަކާ އެކަލޭގެފާނު ކައިވެނި ބައްލަވައި ނުގަންނަވައެވެ.”
=ނުނިމޭ=
______________________________________________
މިލިޔުމުގެ އެހެންބައިތައް ބެއްލެވުމަށް
މަޞްދަރު: ޢަރަބި ބަހުން ، އިނގިރޭސި ބަހުން
