الحمد لله والصلاة والسلام على رسول الله وعلى آله وصحبه أجمعين.
ވިޔަފާރިމުދަލުގެ ޒަކާތް:
މިއީ ވިޔަފާރިކުރުމަށް ތައްޔާރު ކުރެވިފައިވާ މުދަލެވެ. އަދި މިއީ މުދަލުގެ ކޮންމެ ބާވަތަކަށް ވީނަމަވެސް ޒަކާތް ނެރެންޖެހޭނެއެވެ.
މިބާވަތުގެ މުދަލުން ޒަކާތްނެރުން ވާޖިބުވާ ޝަރުޠުތައް:
- އަމިއްލަ މަސައްކަތުން ހޯދަފައިވާ އެއްޗަކަށްވުން.
- ވިޔަފާރީގެ ބޭނުމުގައި ހޯދާފައިވާ އެއްޗަކަށްވުން.
- އޭގެ އަގު ނިޞާބު ހަމަވާވަރުވުން.
މިޝަރުޠުތައް ހަމަވުމުން، އަހަރުވުމާއެކު ވިޔަފާރިމުދާ ހިސާބުކުރުމަށްފަހު ނިޞާބު ހަމަވާނަމަ %2.5، ޒަކާތުގެ ގޮތުގައި ނެރެންޖެހޭނެއެވެ. ހިސާބުކުރާއިރު އަގު ކުރަންޖެހޭނީ އެވަގުތު ބާޒާރުގައި އެމުދާހުރި އަގަށެވެ.
މޭވާއާއި ގޮވާމުގެ ބާވަތްތަކުގެ ޒަކާތް:
މޭވާގެ ބާވަތްތަކުން ޒަކާތްނެރެންޖެހެނީ ދޮންނުވިޔަސް، ކާން ހެޔޮވަރު ވުމުންނެވެ. ގޮވާމުގެ ބާވަތްތަކުން ޒަކާތް ނެރެންޖެހެނީ އެއެއްޗެއް ހަރުވުމުންނެވެ.
މޭވާއާއި ގޮވާމުގެ ބާވަތްތަކުން ޒަކާތްނެރުން ވާޖިބުވާ ޝަރުޠުތައް:
- ނިޞާބު ހަމަވުން: މީގެ ނިޞާބަކީ 300 ޞާޢެވެ.
- ޒަކާތް ވާޖިބުވާ ވަގުތު ނިޞާބު މިލްކުވެގެންވުން.
މޭވާއާއި ގޮވާމުގެ ބާވަތްތަކުން ޒަކާތްނެރެންޖެހޭ މިންވަރު:
އަމިއްލަ މަސައްކަތަކާނުލައި ފެންދެވިފައިވާ އެއްޗަކުންނަމަ ދިހަބައިކުޅައެއްބައެވެ. އަމިއްލަ މަސައްކަތުން ފެންދީފައިވާ އެއްޗެއްނަމަ ވިހިބައިކުޅައެއްބައެވެ.
ނަޢަމްސޫފީގެ ޒަކާތް:
ނަޢަމްސޫފީގެ ޒަކާތް ވާޖިބުވާ ބައެއް ޝަރުޠުތައް:
- ނިޞާބު ހަމަވުން:
- ޖަމަލުގެ ނިޞާބު: 5 ޖަމަލު
- ގެރީގެ ނިސާބު: 30 ގެރި
- ބަކަރީގެ ނިޞާބު: 40 ބަކަރި
- އޭގެ ވެރިޔާގެ އަތުގައި ހުރެގެން ނިޞާބުހަމަވެ އެއްއަހަރު ފުރުން.
ބަކަރިން ޒަކާތް ނެރުން ވާޖިބުވާ މިންވަރު:
- 40 ބަކަރިން ފެށިގެން 120 ބަކަރިއާހަމައަށް، އެއްބަކަރި.
- 121 ބަކަރިން ފެށިގެން 200 ބަކަރިއާހަމައަށް، ދެބަކަރި.
- 201 ބަކަރިން ފެށިގެން 300 ބަކަރިއާހަމައަށް، 3 ބަކަރި.
- މިއަށްވުރެ އިތުރުވާ ކޮންމެ 100 ބަކަރިއަކުން އެއްބަކަރި.
=ނުނިމޭ=
____________________________________
مصدر: الفقه الميسر
