2- އިބްނު ސީރީން ވިދާޅުވިއެވެ.
“ހަމަކަށަވަރުން މިޢިލްމަކީ ދީނެކެވެ. ފަހެ، ތިބާގެ ދީން ތިޔަ ނަގަނީ ކާކުގެ ފުށުންތޯ ބަލާށެވެ.”
އަދިވެސް އެކަލޭގެފާނު ވިދާޅުވިއެވެ.
“އެބޭކަލުން ސަނަދާ ބެހޭގޮތުން ނުއައްސަވައެވެ. ފަހެ، ފިތުނަ މެދުވެރިވުމުން (އެބަހީ: ޢުޘްމާނުގެފާނު ޝަހީދުކޮށްލެވުނު ފިތުނަ މެދުވެރިވުމުން) އެބޭކަލުން ވިދާޅުވާން ފެއްޓެވިއެވެ. ތިމަން ބޭކަލުންނަށް ތިޔަބައިމީހުންގެ ސަނަދު ކިޔައިދޭށެވެ. ފަހެ، އަހްލުއްސުންނާގެ މީހެއްނަމަ އޭނާގެ ޙަދީޘް ޤަބޫލުކުރައްވައެވެ. އަދި ބިދުޢަވެރިއެއްނަމަ އޭނާގެ ޙަދީޘެއް ނުނަންގަވައެވެ.” [1]
3- ޢަބްދާނު ބިން ޢުޘްމާނު އަލްމަރްވަޒީ ވިދާޅުވިއެވެ.
“ޢަބްދު ﷲ ބިން މުބާރަކު ވިދާޅުވާތީ ތިމަން ކަލޭގެފާނު އަޑުއެއްސެވީމެވެ. ސަނަދަކީ ދީނުގެ ތެރެއިންވާ ކަމެކެވެ. ސަނަދުނުވާނަމަ ކޮންމެ މީހަކުވެސް އޭނާ ބޭނުން އެއްޗެއް ކިޔާފާނެއެވެ.” [2]
4- ޢަލީ ބިން ޝަޤީޤު ވިދާޅުވިއެވެ.
“މީސްތަކުންގެ ތެރޭގައި ހުންނަވާފައި ޢަބްދު ﷲ ބިން މުބާރަކު ވިދާޅުވާތީ ތިމަން ކަލޭގެފާނު އަޑުއެއްސެވީމެވެ. ޢަމްރު ބިން ޘާބިތުގެ ކިބައިން އަންނަ ޙަދީޘްތައް ދޫކޮށްލާށެވެ. އޭނާއަކީ ސަލަފުންގެ ބޭކަލުންނަށް އެއްޗެހި ކިޔާ މީހެކެވެ.” [3]
= ނުނިމޭ =
______________________
[1] مقدمة صحيح مسلم ۱ / ۱٥.
[2] مقدمة صحيح مسلم ۱ / ۱٦.
[3] مقدمة صحيح مسلم ۱ / ۱٦.
