ވަޙީކުރެއްވިއެވެ.
﴿ أَلَمْ يَجِدْكَ يَتِيمًا فَآوَىٰ ﴾
މާނައީ: “ކަލޭގެފާނު ޔަތީމަކު ކަމުގައިވަނިކޮށް އެކަލާނގެ ކަލޭގެފާނު ދެކެވޮޑިގެން ނުވޭހެއްޔެވެ؟ ދެން އެކަލާނގެ، ކަލޭގެފާނަށް ހިޔާވެހިކަން (އަދި ރައްކާތެރިކަން) ދެއްވިއެވެ.“
މިތަނުގައި މިވާ ސުވާލުގެ މުރާދަކީ “تقرير” އެވެ، އެއީ އެކަން ބަޔާންކޮށްދެއްވުމެވެ. މާނައީ ކަލޭގެފާނު ޔަތީމެއްކަމުގައި ވަނިކޮށް ﷲ ދެނެވޮޑިގެންވިއެވެ. ދެން ﷲ ކަލޭގެފާނަށް ހިޔާވަހިކަން ދެއްވިއެވެ. ބައްޕަ ނެތުމުން ޔަތީމަކުކަމުގައްޔާއި މަންމަ ނެތުމުން ޔަތީމަކުކަމުގައެވެ. އެހެނީ އެކަލޭގެފާނު އުފަންވެވަޑައިގަތުމުގެ ކުރިން ބައްޕާފުޅު ނިޔާވެއްޖެއެވެ. އަދި އެކަލޭގެފާނު ކިރުތުބުން ވީއްލުމުގެ ކުރިން މަންމާފުޅު އަވާރަވެއްޖެއެވެ.
އެހެނެއްކަމަކު ﷲ ތަޢާލާ އެކަލޭގެފާނު ރައްކާތެރިކުރެއްވިއެވެ. އަދި ﷲ އެދިވޮޑިގަންނަވާ ހިސާބަށް ވާޞިލްވަންދެން އެކަލޭގެފާނު ތަރުބިއްޔަތުކުރުމާއި ދިފާޢުކުރުމުގައި ތެދުވެއްޖެ ކޮންމެ މީހަކަށްމެ އެކަން ﷲ ފަސޭހަކޮށްދެއްވިއެވެ. އަދި އެކަލާނގެ ވަޙީކުރެއްވިއެވެ.
﴿ يَتِيمًا فَآوَىٰ ﴾ މިއާޔަތުގެ ﴿ فَآوَىٰ ﴾ މިލަފްޒުގެނެވިފައިމިވަނީ ، ލަފުޒީ ސަބަބަކާ މަޢުނަވީ ސަބަބަކާ ހުރެއެވެ. – އެކަން ﷲ މޮޅަށް ދެނެވޮޑިގެންވެތެވެ. – ލަފްޒީ ސަބަބަށް ބަލައިލާއިރު:
ސޫރަތް ފެށިގެން މިހާހަމައަސް ނިމުން އެއްގޮތް ވުމަށެވެ. އަދި މަޢުނަވީ ސަބަބަށް ބަލައިލާއިރު:
މިއާޔަތުގައި فَآوَاك ވާނަމަ އޭގެން ނެގޭނެ މާނައަކީ ހަމައެކަނި އެކަލޭގެފާނަށް ހިމާޔަތްދެއްވުމެވެ. ނަމަވެސް ކަން ހިނގާފައިވަނީ އެއަށްވުރެ ފުޅާ ދާއިރާއެއްގައެވެ. ﷲ ތަޢާލާވަނީ އެކަލޭގެފާނަށާއި އެކަލޭގެފާނުގެ ސަބަބުން މުއުމިނުންނަށް ހިޔާވެހިކަމާއި ރައްކާތެރިކަން ދެއްވާފައެވެ. އެބައިމީހުންނަށް ނަޞްރާއި ބާރު ދެއްވާ އެބައިމީހުން ދިފާޢުކުރެއްވިއެވެ.
= ނުނިމޭ =
