- ފަރުޟު ނަމާދުތަކަށް ރައްކާތެރިވުން
- ޢަރަފާތް ދުވަހުގެ ރޯދަ އަދި ސުންނަތް ރޯދަ ހިފުން
- ޞަދަޤާތް ދިނުން
- ތަހުލީލު ކިޔުން (لا إله إلا الله)
- ތަސްބީޙަ ކިޔުން (سبحان الله)
- ތަޙްމީދު ކިޔުން (الحمد لله)
- ތަކްބީރު ކިޔުން (الله أكبر)
- ޙައުޤަލާ ކިޔުން (لا حول ولا قوة إلا بالله)
- އިމާމް މީހާ ބަންޤި ގޮވަމުންދާއިރު ފަހަތުން ތަކުރާރުކުރުން
- އިސްތިޣްފާރުކުރުން (ފާފަފުއްސަވައިދެއްވުމަށް އެދި ދެންނެވުން)
- ދުޢާ ކުރުން
- ނަބިއްޔާ صلى الله عليه وسلم ގެ މައްޗަށް ޞަލަވާތް ކިޔުން
- ޤުރުއާން ކިޔެވުން
- ޤުރުއާނުގެ އާޔަތްތަކުގެ މާނައަށް ވިސްނާ ފިކުރުކުރުން
- ޤުރުއާނުގެ އާޔަތްތައް ހިތުދަސްކުރުން
- މީހަކާއެކު ނުވަތަ ބަޔަކާއެކު ޤުރުއާން ކިޔަވައި މުރާޖަޢާ ކުރުން
- ޤުރުއާނުގެ ތަފްސީރު ކިޔުން
- ޤުރުއާން އުނގަންނައިދިނުން. ވަކިން ޚާއްސަކޮށް ކުޑަކުދިންނަށް ޞޫރަތުލް ފާތިޙާ ދަސްކޮށްދިނުން
- ތައުބާވުން
- މައިންބަފައިންނަށް ހެޔޮކޮށްހިތުން
- ގާތްތިމާގެކަމުގެ ގުޅުން ޤާއިމުކުރުން
- މައިންބަފައިންގެ ރައްޓެހިންނާ ގުޅުން ބޭއްވުން
- މެހެމާނުންނަށް މާތްކޮށްހިތުން
- މެހެމާނާއަށް އަލްވަދާޢު ކިޔަން ދިޔުން
- އަވަށްޓެރިންނަށް ހެޔޮކޮށް ހިތުން
- ސަލާމު ފެތުރުން
- ނިކަމެތިންނަށް ކާންދިނުން
- ރިވެތި ބަހުން ވާހަކަ ދެއްކުން
- ދަމު ނަމާދުކުރުން
- ރަވާތިބު ސުންނަތް ކުރުން
- ޟުޙާ ނަމާދުކުރުން
- ހެނދުނާއި ހަވީރުގެ ޛިކުރުތައް ކިޔުން
- އެކި ޙާލަތްތަކުގައި ކިޔުމަށް ވާރިދުވެފައިވާ ޛިކުރުތައް ކިޔުން
- ވުޟޫގެ މަތީ ނިދުން
- ހުކުރު ނަމާދަށް ފެންވެރުން
- ހުކުރު ނަމާދަށް ދަމުން މީރުވަސް ދުވާ އެއްޗެހި ލުން
- ހުކުރު ނަމާދަށް އަވަހަށް ދިއުން
- އިމާމުމީހާއާ ވީހާވެސް ކައިރީގައި ހުރުން
- ޖަމާޢަތުގައިވާ ހުސްތަން ފުރާލުން
- ސަފު ފުރިހަމަކުރުން
- ހިނިތުންވުން
- ކައުނުގައި ﷲ ތަޢާލާ ލައްވާފައިވާ މަޚްލޫޤުތަކާމެދު ވިސްނާ ފިކުރުކުރުން
- މުސްލިމުންގެ ފަރާތުން ތިބާއަށް ލިބޭ އުނދަގޫތަކަށް ކެތްތެރިވުން
- މުސްލިމުންނާ ހިތްހެޔޮކޮށް މުޢާމަލާތުކުރުން
- އޯގާތެރިކަމާއި ހަމަޖެހުމާއެކު މުސްލިމުންނާ މުޢާމަލާތްކުރުން
- އަބަދުވެސް މޫނު މަތިން އުފާވެރިކަން ފާޅުކުރުން
- ރުޅި މައިތިރިކުރުން
- ވަޢުދު ފުއްދުން
- ތައުބާ ނަމާދު ކުރުން
- ވުޟޫގެފަހުން ދެ ރަކުޢަތުގެ ނަމާދެއް ކުރުން
- ނަޞޭޙަތް އަޑުއެހުން
- ޖާހިލުންނަށް ޢިލްމު ފޯރުކޮށްދިނުން
- ހެޔޮކަންތައްތަކަށް އަމުރުކުރުން
- މުންކަރާތްތައް ނަހީކުރުން
- އަނިޔާ ލިބިފައިވާ މީހާއަށް ނަޞްރުދިނުން
- ޙަރާމް ބެލުންތަކުން ތިބާގެ ލޯ ރައްކާތެރިކުރުން
- ﷲ އަށްޓަކައި ޒިޔާރަތްކުރުން ތިބާގެ އަޚުންނަށް
- ޖަނާޒާތަކުގައި ބައިވެރިވުން
- މުޞީބާތް ޖެހިފައިވާ މީހުންނަށް ތަޢުޒިޔާ ކިޔުން
- ބަލިމީހުންނަށް ޒިޔާރަތް ކުރުން
- ދަޢުވަތެއް ލިބުމުން އެ ދަޢުވަތު ޤަބޫލުކުރުން
- ހިތާމައެއް ލިބިފައިވާ މީހާގެ ހިތާމަ ކުޑަކޮށްދީ އެހީތެރިވުން
- އެއް ނަމާދަށްފަހު އަނެއް ނަމާދަށް އިންތިޡާރުކުރުން
- މިސްކިތްތަކުގައިވާ ޢިލްމީ ދަރުސްތަކަށް ޙާޟިރުވުން
- ޢިލްމުވެރިންނަށް މާތްކޮށްހިތުން
- ޝުބުޙަތަކަށް ރައްދުދިނުން (އެބަހީ: ޢިލްމުވެރިއެއްނަމަ މީސްތަކުންނަށް އަރާފައިވާ އޮޅުންތައް ކިޔައިދިނުން)
- ސުންނަތްތައް ފެތުރުން
- ހަދިޔާ ބަދަލުކުރުން
- މުސްލިމަކު އޭނާގެ އަޚާއާއި ބައްދަލުވާ ހިނދު، ﷲ އަށްޓަކައި އަތާ އަތްޖޯޑުކޮށް ސަލާމްކުރުން
- ޢުމުރުން ދުވަސްވެފައިވާ މީހުންނަށް ކަމޭހިތުން
- ދަރަނި އަދާކޮށްދިނުން
- ބޭނުންޖެހިފައިވާ މީހުންނަށް ދަރަނި ދިނުން
- ދަތި ޙާލަތުގައިވާ ދަރަނިވެރިޔާއަށް، ދަރަނި ދެއްކުމަށް މުހުލަތު އިތުރުކޮށްދިނުން
- ދަރަނިވެރިޔާގެ ދަރަނި މާފުކޮށްދިނުން ނުވަތަ ދަރަނީގެ މިންވަރު ލުއިކޮށްދިނުން
- ދަރަނިވެރިންގެ ދަރަނި އަދާކޮށް ދިނުމާއި، ދަތިވެފައިވާ ފަރާތްތަކުގެ ބިލުތައް ދައްކައިދިނުން
- ހެޔޮކަމުގައި އަނެކާއަށް އެހީތެރިވެދިނުމުގައި ތިބާ މެދުވެރިވުން
- ވިޔަފާރި ފަސްޚުކޮށްދިނުމަށް އެދުމުން އެކަން ކޮށްދިނުން
- މީސްތަކުންނަށް އުނދަގޫވާފަދަ އެއްޗެހި މަގުމަތިން އެއްފަރާތްކުރުން
- ގަނެ ވިއްކުމުގައި ދޫ ދިނުމުގެ ރިވެތި ސިފަ ގެންގުޅުން
- މުސްލިމުންގެ ޢައިބުތައް ވަންހަނާކުރުން
- ޔަތީމުން ބެލެހެއްޓުން
- ހުވަފަތްވެފައިވާ އަންހެން ކަނބަލުންނަށް އެހީތެރިވުން
- މިސްކިތް ބިނާކުރުން
- ހެޔޮކަންކަމަށް މަގުފަހިކޮށްދިނުން
- ޢިލްމީ ފައިދާ ލިބޭ ފޮތްތައް ޗާޕުކޮށްދިނުން
- އިންޓަރނެޓްގެ ޛަރީޢާއިން ޢިލްމު ފެތުރުން
- މީހުންނަށް ހެޔޮ ނަޞޭޙަތް ދިނުމާއި ތިބާވެސް ހެޔޮ ނަޞޭހަތް އަޑުއެހުން
- އުޟްހިޔާގެ ގޮތުގައި ކަތިލުމަށް، ފަޤީރަކަށް ކަންބަޅިއެއް ނުވަތަ ބަކަރިއެއް ހަދިޔާކުރުން
- ކައިވެނިކުރުން ނުވަތަ މުސްލިމް އަޚުންނާއި އުޚުތުންގެ ކައިވެންޏަށް އެހީ ފޯރުކޮށްދިނުން
- ދެކޮޅުވެރިވެފައިވާ ދެ މީހެއްގެ މެދުގައި ޞުލްޙަކޮށްދިނުން
- ޞާލިޙު އެކުވެރިން އިޚްތިޔާރުކުރުން
- މުދަލުން ވަޤުފެއް ކުރުން
- މަބްރޫރު ޙައްޖެއް ކުރުން
- ﷲ އަށްޓަކައި އެކަކު އަނެކަކު ދެކެ ލޯބިވުން
_______________________________________
މިއީ ފަޟީލަތުއްޝައިޚް މުޙައްމަދު ބުން ޞާލިޙު އަލްމުނައްޖިދު ލިޔުއްވާފައިވާ ١٧٣ عملا صالحا بمناسبة عشر ذي الحجة، މިރިސާލާގެ ތަރުޖަމާއެކެވެ.
ޙައްޖު މަހުގެ ފުރަތަމަ 10 ދުވަހު ކުރެވިދާނެ 173 ހެޔޮ ޢަމަލެއް – 2
