ހަތަރުވަނައީ: ޤަޞްދުގައި ހޮޑުލުން
- ޤަޞްދުގައި ހޮޑުލައިފި މީހާގެ ރޯދައިގެ ޙުކުމް:
ޤަޞްދުގައި ހޮޑު ލައިފި މީހާގެ ރޯދަ ގެއްލޭނެއެވެ. އަދި އޭނާ އެ ރޯދަ ޤަޟާ ކުރާން ޖެހޭނެއެވެ. ނަމަވެސް ކައްފާރާއެއް އޭނާގެ މައްޗަށް ނުވެއެވެ. މިއި ފިޤުހީ ހަތަރު މަޛްހަބުގެ އިއްތިފާޤުންނެވެ.
- (ޤަޞްދަކާ ނުލައި) ހޮޑު ލެވުނު މީހާގެ ރޯދައިގެ ޙުކުމް:
ޤަޞްދަކާ ނުލައި ހޮޑު ލެވުނު މީހާގެ ރޯދަ ޞައްޙަ ވާނެއެވެ. އޭނާގެ މައްޗަށް ކައްފާރާއެއް ނުވަތަ ޤަޟާ ކުރުމެއް ނުވެއެވެ. މިއީ ފިޤުހީ ހަތަރު މަޛްހަބުގެ އިއްތިފާޤުންނެވެ.
- ދަތުން އަންނަ ލޭ އަދި އަލްޤަލަސް[1] ބޭރުވެއްޖެ މީހާގެ ރޯދައިގެ ޙުކުމް:
ރޯދަވެރިޔާގެ ދަތުން ލޭ އައުމަކުން އަދި ޤަލަސް ބޭރުވުމަކުން އޭނާގެ ރޯދައަކަށް އަސަރެއް ނުކުރާނެއެވެ. އެއީ އޭގެން ބައެއް އޭނާ ދިރުވައި ނުލާހާ ހިނދަކުއެވެ. މި ކަމުގެ މައްޗަށް އިބްނު ޙަޒްމު އިޖުމާޢު ނަޤުލު ކުރައްވާފައި ވެއެވެ.
[1] މިއީ އަނގަ ފުރޭންދެން ނުވަތަ އެއަށް ވުރެ މަދުންކަމުގައި ވިޔަސް ކަރުގެ ތެރެއިން އަންނަ އެއްޗެކެވެ. މިއީ އަދި ހޮޑެއް ނޫނެވެ. މި އަލުން އަތުވެއްޖެނަމަ، އެއީ ހޮޑެވެ. – (އައްޞިޙާޙު ލިލްޖައުހަރީ 3/965)، (އައްނިހާޔާ ލިބްނިލް އަޘީރު 4/100)
މަޞްދަރު: ملخص فقه العبادات
