ﷲ އަށް އިޚްލާޞްތެރިކަމާއެކު އަޅުކަންކުރުމުގެ ވާޖިބުކަމާއި ﷲ ގެ ޢަދުއްވުންގެ މައްޗަށް ނަޞްރުލިބޭނެ ސަބަބުތައް ބަޔާންކޮށްދިނުން
ފަހެ، ވެރިންނާއި، ރައްޔިތުންނާ އަދި އެންމެހާ މުސްލިމުންގެ މައްޗަށް ވާޖިބުވެގެންވަނީ ﷲ ގެ ޙަޟްރަތަށް ރުޖޫޢަވުމެވެ.
ޞައްޙަ އަޤީދާއިން އެއްކިބާވެފައިވާ މީހުން
އަދި މިޢަޤީދާއިން އެއްފަރާތްވެފައިވާ އަދި އެއާ އިދިކޮޅު ފަރާތްތަކާމެދު ދަންނައެވެ. އެއީ ވަރަށް ގިނަ ބައެކެވެ. ފަހެ އޭގެ ތެރޭގައި: ބުދުތަކާއި، މަލާއިކަތުންނާއި، ވަލީވެރިންނާއި، ޖިންނީންނާއި، ގަސްގަހާއި، ހިލަތަކާ އަދި އެނޫންވެސް ތަކެއްޗަށް އަޅުކަންކުރާ މީހުން ހިމެނެއެވެ. ފަހެ، އެބައިމީހުންނީ ރަސޫލުންގެ ދަޢުވަތަށް އިޖާބަ ދީފައިނުވާ މީހުންނެވެ. އެހެނެއްކަމަކު އެބައިމީހުންވަނީ، ޚިލާފުވެ ބޮޑާވެގެންފައެވެ. ފަހެ، އެއީ ޤުރައިޝުންނާއި ޢަރަބީންގެ ތެރެއިން ބައެއް މީހުން އަޅުގަނޑުމެންގެ ނަބިއްޔާ މުޙައްމަދު صلى الله عليه وسلم އާމެދު ކަންތައްކުރި ފަދައިންނެވެ.…
މިންވަރަށް އީމާންވުން
މިންވަރަށް އީމާންވުމާމެދު ދަންނައެވެ. އެކަމުގައި ހަތަރު ކަމަކަށް އީމާންވުން ހިމެނެއެވެ. ފުރަތަމައީ: ވެނިމިފައިވާ ކަންކަމާއި ވާނޭކަންކަމާއި، އެއިލާހުގެ އަޅުތަކުން ޙާލަތާއި، އެބައިމީހުންގެ ރިޒްޤުތަކާއި، އަޖަލުތަކާއި، ޢަމަލުތައް ހަމަކަށަވަރުން ﷲ ދެނެވޮޑިގެންވާކަމަށް އީމާންވުމެވެ. އަދި އެނޫންވެސް އެބައިމީހުންގެ ކަންކަމުގެ ތެރެއިން އެއްވެސް ކަމެއް އެއިލާހު سبحانه وتعالى އަށް ވަންހަނާވެގެން ނުވެއެވެ. އެއީ އެއިލާހު ވަޙީކުރައްވާފައިވާ ފަދައިންނެވެ. ﴿إِنَّ اللَّـهَ بِكُلِّ شَيْءٍ عَلِيمٌ﴾ [سورة العنكبوت ٦٢] މާނައީ: “ހަމަކަށަވަރުން ﷲ އީ، ކޮންމެ ކަމެއް މޮޅަށް…
އާޚިރަތް ދުވަހަށް އީމާންވުން
އާޚިރަތް ދުވަހަށް އީމާންވުމާމެދު ދަންނައެވެ. މަރުވުމަށްފަހު ވާނޭކަމަށް، ﷲ އާއި އެއިލާހުގެ ރަސޫލާ صلى الله عليه وسلم ޚަބަރު ދެއްވާފައިވާ އެންމެހާ ކަންކަމަށް އީމާންވުން އެކަމުގައި ހިމެނެއެވެ. އޭގެ ތެރޭގައި: ކަށްވަޅުގައި އިމްތިޙާނުކުރެއްވުމާއި، ކަށްވަޅުގެ ޢަޛާބާ އަދި ނިޢުމަތާއި، ޤިޔާމަތް ދުވަހުގެ ބިރުވެރިކަމުގެ ތެރޭގައި ހިމެނޭ ކަންކަމާއި، ޞިރާޠު މަގާއި، މީޒާނާއި، ޙިސާބު ބެއްލެވުމާއި ޖަޒާ ދެއްވުމާއި، މީސްތަކުންގެ ފަތްތައް ބެއްސެވުމާ އަދި ކަނާއަތާއި ވައަތާ ނުވަތަ ފުރަގަހުން ފަތް ދެއްވުން ހިމެނެއެވެ. އަދި އަޅުގަނޑުމެންގެ…
ރަސޫލުބޭކަލުންނަށް އީމާންވުން
ރަސޫލުބޭކަލުންނަށް އީމާންވުމާމެދު ދަންނައެވެ. އެކަމުގައި ހިމެނެނީ ޢާންމު ގޮތެއްގައި އަދި ތަފްޞީލީކޮށް (ރަސޫލުބޭކަލުންނާ ބެހޭގޮތުން އައިސްފައިވާކަންކަމަށް) އީމާންވުމެވެ. ފަހެ، ހަމަކަށަވަރުން، ﷲ سبحانه وتعالى، އެއިލާޙުގެ އަޅުތަކުންގެ ގާތަށް އުފާވެރިކަމުގެ ޚަބަރުދެއްވާ އަދި އިންޒާރުކުރައްވާ ރަސޫލުބޭކަލުންތަކެއް ފޮނުއްވިކަމާއި، އެބޭކަލުން ދަޢުވަތު ދެއްވީ ޙައްޤަށް ކަމަށް އީމާންވާން ޖެހެއެވެ. ފަހެ، އެބޭކަލުންނަށް އިޖާބަދޭ މީހުން ދަންނައެވެ. އެބައިމީހުންނަށް ބާއްޖަވެރިކަން ލިބޭނެއެވެ. އަދި އެބޭކަލުންނާ ޚިލާފުވެއްޖެ ބަޔަކު ދަންނައެވެ. އެބައިމީހުން ގެއްލި ހަލާކުވުމާއި ހިތާމަވެރިކަމާއިގެން އެނބުރި އަންނާނެއެވެ. ރަސޫލުބޭކަލުންގެ ތެރެއިން…
ފޮތްތަކަށް އީމާންވުން
ފޮތްތަކަށް އީމާންވުމުގައި ވާޖިބުވެގެންވަނީ ހަމަކަށަވަރުން އެއިލާހުގެ ނަބިއްޔުންނާއި ރަސޫލުންގެ ދަޢުވަތުގެ ޙައްޤުކަން ބަޔާންކޮށްދެއްވުމުގެ ގޮތުން ﷲ ފޮތްތައް ބާވައިލެއްވިކަމަށް އީމާންވުމެވެ. އެއީ އެއިލާހު ވަޙީކުރައްވާފައިވާ ފަދައިންނެވެ. ﴿لَقَدْ أَرْسَلْنَا رُسُلَنَا بِالْبَيِّنَاتِ وَأَنزَلْنَا مَعَهُمُ الْكِتَابَ وَالْمِيزَانَ لِيَقُومَ النَّاسُ بِالْقِسْطِ﴾ [سورة الحديد ٢٥] މާނައީ: “ހަމަކަށަވަރުން، ފާޅުވެގެންވާ ހެކިތަކާއެކު ތިމަންއިލާހު ރަސޫލުން ފޮނުއްވީމެވެ. އަދި އެ ރަސޫލުންނާއެކު، ފޮތާއި، ޢަދުލު އިންޞާފުގެ ތިލަފަތް ބާވައިލެއްވީމެވެ. (އެއީ) މީސްތަކުން ޢަދުލު އިންޞާފު ޤާއިމުކުރުމަށްޓަކައެވެ.” އަދި އެއިލާހު…
މަލާއިކަތުންނަށް އީމާންވުން
މަލާއިކަތުންނަށް އީމާންވުމާމެދު ދަންނައެވެ. އެކަމުގައި ހިމެނެނީ ޢާންމު ގޮތެއްގައި އަދި ތަފްޞީލީކޮށް (މަލާއިކަތުންނާ ބެހޭގޮތުން އައިސްފައިވާކަންކަމަށް) އީމާންވުމެވެ. ފަހެ، ހަމަކަށަވަރުން ﷲ ތަޢާލާ މަލާއިކަތުންތަކެއް ޚަލްޤުކުރައްވާފައިވާކަމަށް މުސްލިމުން އީމާންވެއެވެ. އަދި އެއީ އެއިލާހަށް ކިޔަމަންތެރިކަން އަދާކުރުމަށް ޚަލްޤު ކުރައްވަފައިވާ ބައެކެވެ. އަދި އެއިލާހު މަލާއިކަތުން ޞިފަކުރައްވާފައިވަނީ މިފަދައިންނެވެ. ﴿عِبَادٌ مُّكْرَمُونَ [٢٦] لَا يَسْبِقُونَهُ بِالْقَوْلِ وَهُم بِأَمْرِهِ يَعْمَلُونَ [٢٧] يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يَشْفَعُونَ إِلَّا لِمَنِ ارْتَضَىٰ…
ﷲ އަށް އީމާންވުން
ﷲ ތަޢާލާއަށް އީމާންވުމުގައި ހިމެނޭ ކަންތައްތަކުގެ ތެރޭގައި: ހަމަކަށަވަރުން އެއިލާހީ އަޅުކަންކުރުން ޙައްޤުވެގެންވާ (ހަމައެކަނި) އިލާހުކަމަށް އީމާންވުން ހިމެނެއެވެ. އެހެނީ އެއިލާހީ އަޅުތަކުން ޚަލްޤުކުރައްވައި، އެބައިމީހުންނަށް އިޙްސާންތެރިވެވޮޑިގެންވާ، އެބައިމީހުންނަށް ރިޒުޤުދެއްވާ، އެބައިމީހުން ސިއްރާއި ފާޅުގައި ކުރާކަންތައްތައް ދެނެވޮޑިގެންވާ އަދި އެބައިމީހުންކުރެ ކިޔަމަންތެރި އަޅުންނަށް ޘަވާބުދެއްވައި އުރެދޭ އަޅުންނަށް ޢުޤޫބާތް ދެއްވުމަށް ކުޅަދުންވަންތަ އިލާހެވެ. އިންސީންނާއި ޖިންނީން ޚަލްޤުކުރެއްވުމަށްފަހު އެބައިމީހުންނަށް އަމުރުކުރައްވާފައިވަނީ އެފަދައިން އެއިލާހަށް އަޅުކަންކުރުމަށެވެ. އެއީ އެއިލާހު ވަޙީކުރައްވާފައިވާ ފަދައިންނެވެ. ﴿وَمَا خَلَقْتُ الْجِنَّ وَالْإِنسَ إِلَّا…
ޞައްޙަ ޢަޤީދާ
الحمد لله وحده، والصلاة والسلام على من لا نبي بعده، وعلى آله وصحبه أما بعد: ފަހެ، ޞައްޙަ ޢަޤީދާއަކީ އިސްލާމްދީނުގެ އަޞްލު އަދި މިއްލަތުގެ އަސާސްކަމުގައި ވީހިނދު، ޞައްޙަ ޢަޤީދާއަކީ މިމުޙާޟަރާގެ މައުޟޫޢުކަމުގައި އިޚްތިޔާރުކުރީމެވެ. ޤުރުއާނާއި ސުންނަތުގައިވާ ޝަރުޢީ ދަލީލުތަކުން އެނގޭގޮތުގައި ޢަމަލުތަކާއި ބަސްތައް ޤަބޫލުވެވިގެންވަނީ ޞައްޙަ ޢަޤީދާގެ ދަށުން އެކަން ކުރުމުންނެވެ. ފަހެ، ހަމަކަށަވަރުން ޢަޤީދާ ޞައްޙަކަމުގައި ނުވާނަމަ އެފަދަމީހެއްގެ ޢަމަލުތަކާއި ބަސްތައް ބާޠިލުވެގެންވެއެވެ. އެއީ ﷲ ތަޢާލާ ވަޙީކުރައްވާފައިވާ…
