ނަބަވީ ޢީދު މީލާދު
އައްޝައިޚް އަޙްމަދު ރިމާޒް
18/10/2021
22:56
މިހެން މިކަން އޮތް އިރު މާތް ނަބިއްޔާ ﷺ މިދުނިޔެ ދޫކުރެއްވުމަށް ފަހުގައި، މާތް ކަމެކޭ ބުނެ ޢީދު މީލާދު ފަދަ އާ އަޅުކަންތައް (ބިދުޢަތަށް) ދީނުގެ ތެރެއަށް ވެއްދުމުން ﷲ ތަޢާލާގެ ވަޙީ ބަސްފުޅު ދޮގުކުރެވެނީއެވެ. ދީނުގެ ތެރެއަށް އާކަންކަން ގެނައުމަކީ އިސްލާމްދީން ފުރިހަމަވެއްޖެކަމަށް ﷲ ތަޢާލާ ވަޙީކުރެއްވި ބަސްފުޅު ދޮގުކުރުން ކަމުގައި ނޫނީ ނުވާނެއެވެ. އެފަދައިން ބަޔަކު ކަންތައް ކުރުމުން ދޭހަވަނީ ﷲ ތަޢާލާ އިސްލާމްދީން ފުރިހަމަ ނުކުރައްވާކަމެވެ. އަދި މާތް ނަބިއްޔާ ﷺ މިދުނިޔެ ދޫކުރެއްވީ އެކަލޭގެފާނާއި ހަވާލުކުރެއްވުނު ރިސާލަތް ފޯރުކޮށްދެއްވުމުގެ އަމާނާތް ފުރިހަމަ ނުކުރައްވާ ކަމެވެ. نعوذ بالله އެވެ.
