އީމާންކަން

ތިޔަބައިމީހުންނަށް ޙިމާރުގެ ހަޅޭކުގެ އަޑު އިވޭހިނދު، ފަހެ ޝައިޠާނާގެ ކިބައިން ރައްކާތެރިކޮށްދެއްވުން އެދި ﷲތަޢާލާގެ ޙަޟްރަތަށް ދަންނަވާށެވެ. ފަހެ ހަމަކަށަވަރުން އެއަށް (ޙިމާރަށް) ޝައިޠާނަކު ފެނިއްޖެއެވެ.

ރޭގަނޑުވެ އަނދިރިވާހިނދު ނުވަތަ ހަވީރުވާހިނދު (އިރުއޮއްސޭހިނދު) ތިޔަބައިމީހުންގެ ދަރީންނަށް ގެއިން ބޭރަށް ނިކުމެވުނަ ނުދޭށެވެ. ފަހެ ހަމަކަށަވަރުން ޝައިޠާނުންތައް އެވަގުތު (ބިންމަތީ) ފެތުރިގަނެއެވެ.

ޤާޟީ ބަދްރުއްދީން މުޙައްމަދު ބިން ޢަބްދިﷲ އައްޝިބްލީ ވިދާޅުވިއެވެ. “ޖިންނީންތައް ދަރިފަސްކޮޅު ބިނާކުރުމަށްޓަކައި ކައިވެނިކޮށް އުޅޭކަން މިއާޔަތުން ދޭހަކޮށްދެއެވެ.”

ތިޔަބައިމީހުންނާ ދިމާކޮށްފިނަ، ފަހެ އެސޮރުދެކެ ބިރުނުގަންނާށެވެ. (ބިރުގެންފިނަމަ) އެސޮރު ތިޔަބައިމީހުންގެ މައްޗަށް ސަވާރުވެދާނެތެވެ. ނަމަވެސް އެސޮރުގެ މައްޗަށް ގަދަވެގަންނާށެވެ. އޭރުން އެސޮރު ހިނގައިދާނެތެވެ.

އިންސީންފަދައިން ޖިންނީންގެ ތެރޭގައިވެސް މުސްލިމުންނާއި، ނަޞާރާއިންނާއި، ޔަހޫދީން އުޅެއެވެ. އަދި މުސްލިމް އިންސީންގެ ތެރޭގައިވެސް ބާޠިލު އަޤީދާތަކުގެ މީހުންނާއި، ފާސިޤު ފާޖިރު މީހުން އުޅޭފަދައިން އެސޮރުމެންގެ ތެރޭގައިވެސް އުޅެއެވެ.

އެސޮރުމެންނަށްވެސް ނަމާދުކުރުމާއި، ނިޞާބުހަމަވެ ޝަރުޠުތައް ފުރިހަމަވުމުން ޒަކާތްދިނުމާއި، ރޯދަހިފުމާއި، ޙައްޖުވުމާއި މިނޫން އެހެން ހުރިހާ ކަމެއްވެސް ވާޖިބުވެގެންވެއެވެ.

އިންސީންނާއީ، ޖަނަވާރުންގެ ޞިފައަށްވެސް ޖިންނީންތައް ބަދަލުވެއުޅެއެވެ. މިގޮތުން ހަރުފައާއި، ނަގުލުންދާއްޓާއި، މިނޫންވެސް އެހެން އެއްޗެހީގެ ޞޫރައަށްވެސް އެ އެއްޗެހިތައް ބަދަލުވެއެވެ.

ޖިންނީންނަށް އެކި ޞިފަތަކަށް ބަދަލުވުމުގެ ބާރު ދެއްވާފައިވާކަމަށާއި، އެޖިންނީންތައް ފެނުމަކީ އެކަށީގެންވާ ކަމެއްކަމުގައި، މި ޙަދީޘްތަކުން އިސްތިދުލާލުކުރައްވައި ޙާފިޛް އިބްނު ޙަޖަރު ރަޙިމަހުﷲ ވިދާޅުވިއެވެ.

ޖިންނީން ކައިބޮއެ ހަދާހެއްޔެވެ؟ ޖިންނީން ކައިބޮއެ ހަދާކަމަށް، ރަސޫލުﷲ ޞައްލަﷲ ޢަލައިހިވަސައްލަމަގެ ޙަދީޘްތަކުގައި ވަރަށް ޞަރީޙަކޮށް ބަޔާންކުރައްވާފައިވެއެވެ. ޞަޙީހުލް ބުޚާރީގައިވެއެވެ. عَنْ أَبِي هُرَيْرَةَ رَضِيَ اللَّهُ عَنْهُ أَنَّهُ كَانَ يَحْمِلُ مَعَ