ފިޤުހާއި އޭގެ ޢިލްމުތައް

ހަނގުރާމައިގެ ވެރިކަމުގެ މައްޗަށްވެސް މީހުން އިސްކުރާނީ މިފަދައިންނެވެ. އެ ކަންތަކުގެ މައްޗަށް އިސް ކުރެވުނު މީހާ އިސް ކުރެވުނީ ޢިލްމުގެ އަހުލުވެރީންގެ މަޝްވަރާއާ އެކުގައިނަމަ، ދެ މަޞްލަޙަތުވެސް ޙާޞިލުވީއެވެ.

ހަމަ އެގޮތަށް ވެރިމީހާއަކީ މަޑުމައިތިރި ހިތްތިރި ބޭކަލެއް ނަމަ، އެފަދަ ބޭކަލެއްގެ ނާއިބަކަށް ހުންނަ ބޭކަލަކީ ޝަޚްޞިއްޔަތުގައި ހަރު ބޭކަލަކަށް ވާން ޖެހޭނެއެވެ.

މި ގޮތަށް ރަސޫލާ صَلَّىٰ اللَّهُ عَلَيْهِ وَسَلَّمَ ކޮންމެ ކަމެއްގައި ވެސް އެންމެ މަޞްލަޙަތު ރަނގަޅު ގޮތަށް އެކިއެކި މަޤާމުތަކަށް ބޭބޭކަލުން އިސް ކުރެއްވިއެވެ.

[ޚާލިދުގެފާނަށް ވުރެ އިސްލާމުވުމުގެ ގޮތުން ކުރިއަރައިގެން ވަޑައިގެންނެވި އަދި ފިޤުހުވެރިކަމުގައި އަރާ ތިއްބެވި ކިތަންމެ ބޭކަލުންނެއް ތިއްބެވުމާ އެކު ވެސް]، އެކަލޭގެފާނު އިސްލާމު ވެވަޑައިގެންނެވުމާ އެކު، ރަސޫލާ صَلَّىٰ اللَّهُ عَلَيْهِ وَسَلَّمَ ހަނގުރާމައިގެ ވެރިކަމަށް ޚާލިދުގެފާނުގެ ބޭނުން ހިއްޕެވީ މި ސަބަބަށްޓަކައެވެ.