އައްޝައިޚް މުއުތަމިން އަޙްމަދު

އެބަހީ: އޭ އިންސާނާއެވެ. އިސްވެ ބަޔާންވެދިޔަ ކަންތައްތަކަށް ފަހުގައި ތިބާ ދޮގުކުރަންވީ ކޮންކަމެއް ހެއްޔެވެ؟

މުއުމިނުންނީ އީމާންވެ ޞާލިޙު ހެޔޮ ޢަމަލު ކުޅަ މީހުންނެވެ. ފަހެ އެބައިމީހުން އެންމެ ދަށު ދަރަޖައަށް ރައްދެއް ނުކުރެވޭ ހުށްޓެވެ. އެހެނީ އެބައިމީހުން، އެބައިމީހުންގެ އީމާންކަމާއި ޞާލިޙު ހެޔޮ ޢަމަލުކުރުންމަތީ މަރުވަންދެން ޘާބިތުކަންމަތީ ދެމިތިބެތެވެ.

މިއާޔަތުގައި މިވާ އެންމެ ދަރުދަރަޖައަށް ރައްދުކުރެއްވުމުގެ މުރާދަކީ އިންސާނާ ޙަލްޤުކުރެއްވުވުމުގައި އެންމެ ދަށުދަރަޖައަށް ރައްދުކުރެއްވުމެވެ.

މިއީ (އިސްވެ ދެންނެވުނު ތަކެތި ގަންދެއްވާ) އެކަމަކަށް ﷲތަޢާލާ ބަސްފުޅު ވަޙީ ކުރެއްވި ކަމެވެ. ﷲތަޢާލާ މިތަކެތި ގަންދެއްވާ ވަޙީކުރައްވާ އަންގަވާފައިއެވަނީ، އިންސާނާ އެންމެ ރިވެތި ސޫރާގައި ޚަލްޤުކުރައްވާފައިވާ ވާހަކައެވެ.

ﷲތަޢާލާ މިއާޔަތުގައި ސީނާގައިވާ ފަރުބަދަ ގަންދެއްވާ ވަޙީ ކުރައްވާފައިމިވަނީ، ﷲތަޢާލާ މޫސާ ޢަލައިހިއްސަލާމަށް ބަސްފުޅު ވަޙީ ކުރެއްވީ މިފަރުބަދައިގެ ކައިރީގައި ކަމުގައި ވާތީއެވެ.

ﷲ ތަޢާލާ މިއާޔަތްތަކުގައި ހަތަރު އެއްޗެއް ގަންދެއްވާ ހުވާ ބަސްފުޅު ވަޙީކުރައްވާފައިވެއެވެ. އެއީ ތީންއާއި ޒައިތޫނިއާއި ސީނާގައިވާ ފަރުބަދައާއި އަދި އަމާންކަން ލިބިގެންވާ ރަށް، އެބަހީ މައްކާއެވެ.